[شاكـر محمـد]

هذي كفوف الريح تعبث في مثاقيل السحاب=............
....................=صحّت بها ومض البروق *وفجّرت صمت الرعد
جمود هذيك السحايب في كفوف الريح ذاب=................
..................=تنضح زلال وينهمر لو كان *توّه ما برد
هلّت مزون الصيف ماها لين سالت به شعاب=..............
.................=اشرب قراح اروي ظما واشتاق للمورد و أرِد
لا قمت اطالعها قدح في وسط خفاقي شهاب=..............
................=اتذكر اللي دمعته لا جاش قامت تطّرد
يعجبني آلوق الدموع اللي على خدّه سراب=..............
...............=وش روعة عيونه وهي بالدمع غرقانه تلد
ومع الدموع أحلى ابتسامه ولا تخللها عتاب=.............
................=عاد الحكي بالهمس ومجزأ ودوب انه يرد
ما هو بخيل الا الكرم طبعه ولكنّ اضطراب=...............
.................=افقده تركيزه وحكيه صار كنّه بالعدد
والا سواليفه طرب ما أحلا سواليفه عِذاب= ...............
...................=في ذمتي ياحلوها في ذمتي تقطر شهد
ايقول لو اني معك صرت السحابه والرباب =.............
....................=قلت اني اصبح لك كفوف الريح.. .قالي :يا ولد!
*لكن مدري وش حداه على الموادع والغياب=...............
.....................=كم لي وانا ادوّره لي دمي في عروقي جمد
روّح وانا روحت ما هذي السوالف في كتاب=...............
...................=اما قلوب تغيّرت والا انّ للعشاق أمد
بس يا كفوف الريح لا رمتي السحايب بالشباب=.............
...................=نوشي الثقيله وابتديها ضاعفي فيها الجهد
واتذكريني يا كفوف الريح وازيدك خضاب= .............
...................=علّ السحاب اللي بها تعبث بتروي هالكبد