في يوم الاثنيـن 11 شهـر شـوال = وصل الخبر والعلم ثابت ومـا كـود
العلم جاني عبـر موجـات الإرسـال = وقت الظهر والحكم ما هـو بمـردود
حكمِِ مـن الخـلاق عـلام الأحـوال = اللـي بيـده الأمـر حاكـم ومعبـود
قالوا ترى خالـك توفـى يـا رجـال = الله يبيحـه راعـي المـدح والجـود
قالوا حصل له حادث وقمـت فالحـال = ودقيت سلف الجمس وأخواني أعضود
ثم اتجهنـا صـوب وافيـن الافعـال = اللي مراجلهـم لهـا العالـم أشهـود
بين القبائل طيبهـم مضـرب أمثـال = خوالي أبناء جـدي الشيـخ مسعـود
من أل علي اللي أحدهـم لمـا قـال = يوفي بقولـه مـا لحقـه أي منقـود
لهم المراجل ورث مـا ورثـوا مـال = يوم أكثـر العالـم مواريثـه أنقـود
وشاركت في دفنه ودمع الحزن سـال = وكتمت حزنِِ داخل الصـدر موجـود
ودعيت له والرمـل فالقبـر ينهـال = وقلت القضاء مقسوم والعمر محـدود
عسا لـه الجنـة مقـر(ن) ومدهـال = ويسكن بعلييـن بأمـرك يـا معبـود