قالو لي اش رايك تبي تصير دكتور = وتمسك مراكز والوزاره حلالك
ادفع فلوس وسافر وحبّك الطور = واقعد سنه بارض البلاء بس لحالك
خذ بالسنه ماطاب من غي وقشور=وارجع ولاتخبر حدن عن مجالك
وقدم شهاداتك ليا جيت بالفور = والسر لايعرفه حتى عيالك
تمتم ومثّل وانهب ولاتجي بور= واكتب وزور وافعل الي بدى لك
ادرس فنون اهل التملق ومغرور=والعب على القانون واكثر جدالك
وافطن لمن حولك مرائي ومستور=ولاتبين للاوادم خلالك
الي تشوفه حق للناس لاتحور = خذ قسمك الوافي وزود بلالك
عش في نعيم ولاتبالي بمحسور=اهبر وخل اهل الشقاء خلف بالك
كل مثل غيرك واغد بالناس مسرور=واضحك وخل الناس تبكي منالك
والعلم لاهله والعرب مالهم دور = الا صدى التزوير والفكر هالك
ناظر في اثار الشهادات بالنور = وادرك كلام الصدق بين الممالك
قلت الصراحه قولكم قول مخطور=يعني الشهاده زور والجهل مالك
ناظرت بالاثار واصبحت مبهور = شوي اشوف النور وشوي حالك
به فالبلد اكثر من الفين دكتور=ولاصنعنا غير سوء المسالك
نطرد سراب الغرب من وعد بلفور=ماهمنا الا كيف نشري الكدالك
يادار قدرك فوق عن لعبّة الزور = يكفيك عزك لو تمادو عيالك