[عيادة الجهيلي]

غمازتك طيبك ورقت حضورك
طولك وضحكات الغنج في محياك
عينك تعلمني الغزل من غرورك
واهيم في جيدك وشعرك وممشاك
الخد ورده يستحي من ظهورك
والعنق يخجل لاتمايل مع خطاك
والصدر يبرز كل ماضاق طورك
واليا رضيتي زاد حجمه مع رضاك
والبطن ظامر متقي عن زهورك
الزهرتين اللي نفسهم تغذاك
والردف يطرب لاتقهوى سرورك
يرقص طرب من قبل يعرف نواياك
والراس من ريحه تنفس بخورك
طاب البخور براس مثلك وشرواك
ليل(ن) سواده طاح والجيد نورك
حتى غشى الساقين بشويش ينخاك
حبك معي وشلون حبك يزورك
ياللي خذيتيني وانا غبت وياك
هذا وانا جسر الامل في عبورك
اعبر حفظك الله والحب يرعاك
جذعك وغصنك والورق مع جذورك
وسط الحشى فيني حبيبي تحراك
بالله قلي كيف اباصف شعورك
لاصرت مستني قصيدي على شفاك