يالله احفظ لساني من نمايم=واهل غيبه ليا من روجوها
واكفني شر ساهر بالقسايم=كيمراته لدخلي هيجوها
واحم من كيد عقاد التمايم =وكل نفثه لموتي فوجوها
شف عيون الحسد فوق الولايم=هرجة الصدق جوك وعوجوها
مابهم غير متكاسل ونايم= بنت بقعا هواهم زوجوها
حسبها الله جامعة القمايم=شفتها في همر ويموجوها
عندها قصر من عامين قايم=ويل شعارنا لامن هجوها
حولها ناس تمشي بالحشايم=كل ما اشرت قامو لجوها
لابسين العبي امعا العمايم=مالكم فالعجي اللي عجوها
قبل عامين كان الجو غايم=صار حادث وبالاسعاف جوها
انكسر ظلعها قلنا سلايم = كلفوني دفعت الف اخرجوها
الله اللي رزقها رزق دايم=عقب جمع القمامه توجوها
وانت يالادمي لو عشت هايم=في هوى المال روحك دوجوها
مالك الا اللذي لك فالقسايم =واحذر احذر وفتنه روجوها