[الطائر المهاجر]

بالصوت

والله اني سموحٍ واحتمل للرفيق= وابذل الخير والمعروف ماارجي جزاه
لو غلط صاحبي بحري وسيعٍ عميق= انصحه كود يفهم ما يكرر خطاه
ولا احمل الحقد مهما كان صدري يضيق= ادري الحقد يقتل صاحبه من لضاه
وادري اني صبورٍ للشدايد اطيق = غير ما من يقدر لو بروحي فداه
الخلايق بعضهم بالجهل مايفيق= يحسب الطيب ضعف ولادرى منتهاه
والبعض ينكر المعروف طبعه نزيق= والبعض يظهر انه مادرى او نساه
والبعض حاقد في وسط قلبه حريق = او ختولٍ وكاره ماضيٍ في عماه
من الخلايق اعاني ما عرفت الصديق= كل من شفت اناني ف المصالح هواه
لا متى احترق شمعه تنير الطريق = وكل دربي ظلام ومحد نوّر خْطاه
كل ما امشي بدربٍ شفت به مايعيق= في زمانٍ صلى للحر لينه شواه
بعد ماهوب حرٍ في العلالي طليق = بان ضعفه يباري الساس خوف الوشاه
يالله اني بجاهك صرت مثل الغريق= شايف الموج فوقه والعواصف وراه