السلام عليكم
اعجبتني قصيدة اخوي ساهر الاخيره ( برق المخيله ) فحبيت اجاريه
مع العلم ان مثله مايجاريه مثلي لكن من باب المحاوله
فامل ان تحوز على استحسانكم
مايجيب الجزيله غير راعي الجزيله = لو تضيع المعاني عند غيره لقاها
جت على القلب ياساهر بيوتك ثقيله = قلت بيت(ن) دمر عيني وكبدي دماها
يوم تذكر عيون صويحب(ن) لك كحيله = مادريت ان به ناس(ن) تزود عناها
ليت للحب طب وليت فالحب حيله = مار علة نحر تقضي على اللي شراها
حية(ن) شالها راعي الهوا في شليله = ليّنن جلدها والسم داخل جماها
والله اني مريض ومنه نفسي عليله = كل ليلي وعيني منه ماوقف ماها
كل ما مال قرص الشمس للغرب ميله = مالت الروح معه ومال قلبي وراها
وقمت اعيد الليال اللي مضت والجميله = كود بالذكريات الكبد نروي ضماها