ألفية العنقا المخزوميّة . صوتية . جديد

[ماجد الزيد]

الالــف اولــف والـمــدا مـــن دمـائــيماهـو مـن حــروف الشـعـر والهجـائـي

ألـفــيــةٍ فـيــهــا دوائــــــي ودائــــــيعـلـى عشـيـري سـيـد كــل الخـونـدات

اللـي ملـك كلّـي مـهـو بـعـض الأشـيـاءمعـزّتـه تـجــري مـــن الألـــف لـلـيـاء

إن غـاب عـنّـي يـاصـل الــروح بإيـحـاءالـيـا ضـحـك بشّـيـت وآحــس الآهـــات

الـبـاء بلـيـت بـحـب خـيــر الرعـابـيـبمــا مثلـهـا بـيــن الـعــرب والاجـانـيـب

تجـمـعـت فـيـهـا وصـــوف وأعـجـايـبمـا والله انـهـا مــن عـمـوم الـسـلالات

يـا عنـق ريـم وعـاتـق ٍ مــال مسـلـوبوعين الظّبي ليل ٍ بهـا سهيـل مسحـوب

يبـرق سناهـا لـكـل طـالـب ومطـلـوبأسيـح فيهـا أعـوام مـا افــوق لحـظـات

الـتـاء تـقـل حــورا مــن جـنـان فــرتعـلــى ديـــار الـخـالـدي يـــوم مـــرت

لكـنـهـا فـــي بـســرة الـقـلـب قـــرتغنـجـا يـغـارن مــن حـلاهـا الامـيــرات

مـثــل الـحـريـر بملـمـسـه وإن تـلــوّتنـــادت معالـيـقـي وقـلـبــي وصــــوّت

لبـيـه يـالـي بحسـنـهـا نـجــوم ضـــوَّتريــح الولـيـد وفــي حـيـاهـا عفـيـفـات

الــثـــاء ثـمـيـنــة روح ذات الـمـثـلــثعــن حبـهـا مـــا والله ألـقــى مـعـلـث

لـــو تبـتـسـم لسـهـيـل قـــام يتـعـلّـثاسـتــاذن الله ثـــم نـــزل لـلـصـلاوات

أطهـر مــن الـمـاء لا جــرا مــا تـريّـثوالـمـلـح فـيـهـا بـكــل كـلّــي وعـيّــث

لا شفـتـهـا أنـفـاسـي خـيــول ٍ تـحـيّـثتجري ونا ما أقوى المشي لـو بخطـوات

الـجـيـم جـاوبــت الـحـمـام الـسـواجـعمـــن حـبـهـا مـابـيـن رايــــح وراجــــع

يــومٍ يـطـيـب الـقـلـب وأيـــام واجـــععسـى حشاهـا مرقـد القـلـب لا مــات

ذاك الحشـا مــن الـجـوع شــدّ وتــدرّجأسـكـب علـيـه الـمـاء وأقــوم آتـفــرّج

شــلال للقـاسـي مـــن الـثّـلـج ســـرّجعسـاه مـاوى الـخـدّ لا نـمـت بسـكـات

الحـاء حـرام انــي لــي أعــوام ســارحمــن حـبـهـا خـاويــت جـنّــي وجـــارح

يـا ذا العقـاب الـي علـى الضـلـع بــارحخــــل الـطـويـلـة للهواوي مـنــاجــات

مـن حبّهـا العيلـم لـه سنـيـن مــا شــحّهـــدّاج لــلــي غـيـرهــا مــــا تــرشّــح

الـــي غـلاهــا فــــي وفــايــا تــوشّــحبـنــت الـمـلـوك مطـوّعـيـن الـقـويّـات

الخـاء خـوا عظمـي وقلبـي مـعـه خــخمــن حبـهـا مــع فقـدهـا قــام يـصــرخ

حــرٍّ مــن الفـرقـا عــن فــروخ يـفـرخوأتــل قـلـبـه تـــل شـــاص ٍ بـعـرقـات

راع الـهـوا قلـبـه مــن البـعـد مـشـروخكـل مـا بـرا مشـخ ٍ تـجـدد بــه مـشـوخ

هـذا الهـوا مـا يـعـرف قــروم وشـيـوخطـــوّح بـبــو زيـــد الـهـلالـي بـراكــات

الـــدال دنّـــوا قـايــد الـريــم لا صــــدمــن قـبـل لا روحــي الــى الله تصـعـد

دنـــو حـبـيـب الـــروح وأحـيــا لـيــا ردالـلـي لعيـنـه هـمـت روس الـطـويـلات

روس الــنــوايــف للهواوي مـــــــواردلا حــسّ فــي قـلـبـه عـجــاج الـبــوارد

فـي جوفـه مـن اطـلال الاشـواق مـاردعـلـى حـجـارة مــا تـمـوت الـعـلامـات

الــــذا ذوى الـجـبــار مـنــهــو تــلـــذذبـفـراقـهـا يــــذوى خـفــوقــه يــقـــذذ

دمــه عـلـى الضلعـيـن طـشــه يـــرذذالـلـي وذونــي فـــي هـواهــا سـنــوات

وش ضــرّهــم والــحـــبّ بالله لايـــــذعلـى النقـا وعــن الــردى بــي عـوايـذ

حـاذت طـيـوب ومسكـهـا كـنـت حـايـذالله يـجــزا مـــن عـذلـنــا بــالأزمــات

الـــراء رمــــاح فـراقـهــا كـالـديـاسـربأقـصـى كنيـنـي مــن يـمـيـنٍ ويـاســر

هـذا هـو الــداء والــدواء حـيـل عـاسـرمامـن بعـد فـرقـى الـولايـف سـلامـات

حـبـل الـرجـاء لــو ينقـطـع مــا يـسـرّاطـاش اللبـاب مــن العـقـل مــا يـقِـرّا

مـــخّ الـهــواوي لا انـفـجـع مـــا يِـــدرايمسـي مثـل عـقـل الـهـواويِّ صنـهـات

الــــزاء زروع عـيـونـهـا بــــي تــلـــززووصـالـهــا غــيــث وعـلـيـهـا مــعــزز

عــز الله انـهــا فـــي خـفـوقـي تـبــززجـوريـة بصـافـي دمــا القـلـب تقـتـات

الـعـام كـنّـت بـخـيـر والـعــام مـلــزوززرنيخ فـي عرقـي علـى القلـب مـدزوز

كــنّ الـفــؤاد بـقـاعـة الأرض مـحــزوزيـوم إن عمـرو الكلـب جـاب المطمّـات

السيـن سـنّ الله لـهـا كــل محـسـوسكلـي لهـا وكلـي بهـا تـقـول ممـسـوس

عيلـم خفوقـي لكفـهـا لـوهـو رســوستشـرب صفـاه لعينـهـا عــذب وفــرات

العينـهـا ضـيـقـة خـفـوقـي والأونـــاسون شفتها في باس عفت أقرب النـاس

أشـرب حَزَنهـا قْــراح وآقــول لا بــآسالله لـنــا عـقــب التـشـتـت بـرحـمـات

الشـيـن شمّـاتـي حيـايـا تـحـت خـيــشيــا جعلـهـم مـثـل النياشـيـن للـجـيـش

يـا كثرهـم , وليـا بغيـت أحدهـم هـيـشمـبـهـم غـنــاة أزوال ذيـــك الـحـديّـات

جـعـل الــذي نـحّــى ولـيـفـي لـهـبّـاشعشـرة عـوام مْغَـيِّـب بغـرفـة انـعـاش

لا عـاش مـن فّــرق وليفـيـن لا عــاشتكـسـر عظـامـه بالـحـمـول الثـقـيـلات

الصّـاد صـدّ القلـب عـن كـل مخصـوصإلا عـلـى صـديـر ٍ لـيــان ٍ ومـرصــوص

قبـل أُخلـق مـن الله بالقلـب منصـوصمـا غيرهـا مـن الغيـد لـلـروح مشـهـات

عـنـقـا نـحـرهـا بـالـجـواهـر تــرصــصلـو شافهـا المفتـي مـن الزيـن غـصّـص

الــورك فيـهـا مــن خصـرهـا تـفـصـصمـنـحـوتـة ٍ سـبــحــان ربّ الـبــريّــات

الـطـاء طـوانـي فراقـهـا طـيّـة الـخـطوطـيّ الشنـون الـي مـنَ الـمـاء تنـقّـط

وطيّ البحـر جـزره عقـب مـدّة الشّـطعلـى التـي مـن حزنـهـا زرت الأمــوات

قلبـي لخاطرهـا علـى الكـف محطـوطولـو كـان يرضيهـا بالامـواس ممشـوط

الا انـهـا تُغـبـط لـيــا صـــرت مـغـبـوطون ضقت ساعه جابت الضيـق دمعـات

الضـاد ضمّونـي عـلـى صـدرهـا الـغـضضمّ الجنيـن اللـي علـى الممتلـي عـضّ

مــزّة نـهـدهـا لـــو بقـلـبـي مـيَــة رضّتشفـيـه مــا يـــدري بـعـدهـا بـثــورات

نـابــز نـهـدهـا بالـبـنـي مــــا يــعــوَّضكـــل الـحــلا بـأدنــى حـلاهــا يـقــوَّض

الـمـخـلـديّـة قــبّـــة ٍ مـــــا تـــــروَّضإلا لـكـفّـي يـــوم فـــي كـفّــي تـبــات

العيـن عيـن عنـاق عيـن أطـيـب البـيـعحـرّ ٍ قطـع بحـر العـرب مـاهـو مطـيـع

أبـيـض مـبـه دقّــه تـقـل غـتـرة مـذيـعمجـلـوب بـمـهـاده لـســوق الامـــارات

حـــرّة غـلاهــا مـيــل ولغـيـرهـا بــــاعطـفـلـة تـمـشّــط بـالـجـدايـل تــربّــاع

يــا حلـوهـا ولعينـهـا كـــل مـــا شـــاعوالـي بصنـدوق ٍ عـن الخلـق مــا هــات

الغـيـن غـابـت يـــوم حـظــي بـهــا راغوقلبـي تقـل مـجـول تـحـت دقّ صــوّاغ

يلـهـب علـيـه الـنــار ويـــدق الأصـبــاغحــرّ المـفـارق حــرّ والـنـاس شـمّــات

قلبـي مــن الفـرقـا بقـطـران مصـبـوغفـيـه الـجـروح تْفتّـقـت فـايـغـه فُـــوْغْ

يــا والله الــي مــن خـلايــاه مـفــروغجـمّـرن وبـــيّ الـقــاز ويّـــا الـكـريّـات

الفـا فهـى فـي عينـي الكـون مــا لــفكــنّــه بـعــدهــا شــايـــخ ٍ أو تـتــلّــف

هـمّـي عـلـى رآســـي بـعـدهـا تـحـلّـفوآشـيـب عيـنـي يــا ســواد الصبـاحـات

الـغـمّ ويّـــا الأوه والـضـيـق مـعـطـوفتجمّـعـن وأفـكــاري الـســود بـرفــوف

كنّـي بعـد بُعْـد النّظـر صـرت مكـفـوفوالي حكـى , قلـت ايـش؟ ردّ العبـارات

الـقــاف قـلـبـي مـــن بـعـدهـا تـغـلّـقوشــوك الـسـدر كـنّـه بنـحـره تـسـلّـق

وكـنّــه عـلــى راس الطـويـلـة تـعـلّــقإمّــا يطـيـح أو طــار لا جـــات هـبــات

لـيـت الأمـانـي مـــا تـجــي بالتـوافـيـقيــا ليتـهـا بـطــول الـمُـنَـى والـبـواريـق

مـا كـان شبّـت مـن حَزَنَّـهـا المعـاريـقولا كـانـهـا صـكّــت علـيـنـا الـبـراجـات

الـكـاف كــنّ ضـلـوع صــدري تـفـكـكصــرّة ركــاب بـغـارب هـديـب يـحـتـك

يكـتـم ولـوهـو مــن الـمـفـارق يـدكــكيالله عـسـى عقـبـى التـلاقـي بـجـنّـات

دار الفـنـا مــا وردّت غـيـر مــع شــوكوالـــي تأمـلّـهـا تـجــوّد لــــه ســلــوك

لـو طالـت إلا الوقـت يغلـق بـه الـبـوكمـــا تـضـحـك إلا والـنـواجـذ مــجــذّات

الـــلام لـيــل مـتــون عـنـقــاي لــيّــللامـــن تـراجــد كـنــه الـسـيـل هــيّــل

خشـمـي عـلـى مـفـرق شعـرهـا تـويّـليالله تـجـيـب الـنــود لــــو بـالـخـيـالات

خيـالـهـا يـشـفـي لـيــا هـــبّ مـقـيـالومـع الصبـاح وعسعسـة لـيـل الألـيـال

خيـالـهـا كـنّــه مـــن الـغـيـث هــمــاليحيـي اليبـاس وينشـز إن هـلـل رْفــات

الميـم مـن شوقـي لهـا قمـت منـجـوملديـار أهلـهـا بــس أبــي ريــح يشـمـوم

جـدران أهلهـا كـل مـا أقبـل لـي تـقـومكنـهـا تـرحّـب بــي ونــا أرد الأصـــوات

(ا) دْيـارهـم عـنـدي عـزيـزات وحْـشـاممــن دونـهـا كـلّـي ولا لـحـظـة تْـضــام

جعل المطر يسقـي هـك الديـرة أعـواممـن حولهـا تطـرب لـحـون الحمـامـات

الـنـون نــادا خـافـقـي مـنــزل الـنــونربٍّ تـبــارك عــالــم بــكــل مـكـنــون

مـن يجمـع أرواح الخلايـق علـى ظنـونيجـعـل لـنـا لقـيـا فـــلا الـهــا نـهـايـات

لقـيـا بـعـد طــول التنـائـي والأشـجــانمـن حلوهـا تطـرب عصافيـر الأغـصـان

لا قيـل تـمّ آقـول هـو ويــش بــه كــانأنسـى الدهـور المجدبـة فـي سويـعـات

الـهـاء هـويـت الـلـي فــلا مثـلـهـا بـــهغــرّافــة ٍ لــحــروف قـلــبــي تـنــبّــه

لـبّــى شـفـاهـا وسـكّــر الــفــم لــبّــهالـي قـبـل لا أحـكـي تـعـرف الاجـابـات

سـكّــر حـكـاهـا مـــن زوايـــد حـلاهــاآرقّ مــن مـسـك ٍ نــزل مـــن عـلاهــا

نـــادي عـرقـهـا كـنّــه الـلــي فــداهــايسـري بـهـا ويعـشـق تفاصـيـل الآيــات

الــواو لــولا ابـلـيـس يـأتــي بـعــد لـــوخطـفـتـهـا وخـلـيــت أهـلــهــا يــولّـــو

ويــش أنــت لاقــي بالـهـوا قــال كـلّـوطـبـع الشمـالـي لا هــوا ينـكـر الــذّات

انـــا فـداهــا لعيـنـهـا لا قـطــع الــــدّوجبـريـل قــد نـاقـي لـعـل أبـلـغ الـجــو

ضـمـيـان كــلّــي والمـعـالـيـق جــفّــوولـيـا وصـلـنـا صِـــدّ عـنـهـا بحـسْـنـات

الـيـاء يمـيـن الله مــا أنـســى ولـيـفـيون قــال قـايـل قـلـت يـاخـي بكيـفـي

هــــذا ولا دمــعــي بـفـقــده ذريــفــيوصبري على الدنيا , جمل كيف ما جات

إن عــــادت الـدنـيــا عـلـيـنـا بـعـالــيوإن قـفّـت الدنـيـا فـهــو كـــل غـالــي

عــز الله إنّـــه صـاحـبـي راس مـالــيوعــز الله إنّــه غـيـر كـــل العـريـبـات

[حوريه]

ما شاءالله
ألـفيه شامـخه كشـموخ شـاعرها
الله يخارجـنا من مخـاوى الـجن يا ماجد
صـح لسانك مــدد...
ودام عــزك
ودي وتـقديري

[ماجد الزيد]

حياك الله يا حورية نورتي المتصفح يا ذوق

أمير الأنس جنّي ________ غمزة مع ابتسامه

[منيع]

مذهل ومبدع دائما
تسلم ياماجد الزيد
تحياتي لكم

[نجم الإبداع]

صح اللسان اللي بدع جزل ملهم=في عشق جوريه لها طرف سلهم
القلب يقنع مالهوى لاوصلهم=ويله عشيرك سيد كل الخوندات

صح لسانك ياماجد

رائعه

ودي

[الطامي]

الزيد
صح السانك ملايين
رائعة كما عودتنا
لافض فوك اخي
شكرا لك

[حي الضمير]

ياسلام يابوحمد رائعه تظاف لروائعك
وابدعت حيل يامميز
لله درك ومليار صح لسانك

صح لسانك ويعطيك العافيه

تحياتي

[الـزلـزال]

ماجد الزيد

نص في قمة الجمال والروعة والجزاله
من شاعر عودنا على أتقان وجزاله حروف شعره
أبدعت وأمتعت شاعرنا الراقي المميز العذب
دمت بكل الخير ودام لنا حرفك الراقي
صح لسانك ملايين ملايين
ولك فائق تحياتي وتقديري

[داعي الشوق]

صح لسانك مليار يا بو حمد

الابداع منك و لك يا مبدع

لاهنت لاهنت يالشاعر الفنان

و صح لسانك مدد