شابت قوافي الشعر ما شاب همي

[الطائر المهاجر]

شابت قوافي الشعر مـا شـاب همـيكلـمـا وقـــف هـــمٍ يجـيـنـي بـدالــه

مـثـل الخـيـول الـلـي تـطـارد بـدمـيوالـفـايـز الــلــي يمـتـحـنـي خـيـالــه

كــلٍ بوسـمـه مــن حــروف تسـمـيوكــل يفـاخـر يــوم يـسـبـق ظـلالــه

احـــاول اجمـحـهـا بـفـكـر الـمـلـمـيواحيـان اجيـب العـيـد سـابـق هـلالـه

من كثر حرصي صرت اجيب المطميوانــدم عـلـى فـعـلٍ اخــذت بعجـالـه

فالوقـت ماهـو وقـت خـالـي وعـمـيوقـتٍ بـه اجيـالٍ مشـت فـي ضـلالـه

تفكـيـرهـا مـغـايــر بــنــوعٍ وكــمــيوالـنــادر الـلــي مـاشــيٍ بـاعـتـدالـه

هـــذا يـمـيـن وذا يــســار الـمـجـمـيوهــذا مهـفـه فـــي يـديــن الجـهـالـه

وهــذا مطـفـي الـنـور مــاذاق غـمـيعايـش ليومـه مـا اشتقـى مـن مآلـه

وهـذا اذا اقبـل قلـت وش جـاه يـمـيواثــره بـعـد نسـيـان يـبـغـى حـوالــه

ولا مـن نشدتـه قـال قالـت لـي امـيربـوة عـجـوزٍ مــا شـبـع مــن دلالــه

ولا قلـت اخــوك يجـاوبـك دون لـمـيكــلٍ قـطـع وصـلـه وارخــى حـبـالـه

كـــل لنـفـسـه عـايــشٍ كـالأصـمــيولا هــوب داري عــن اخــوه وعيـالـه

تصـيـر مـثـل الـلـي لـزرعــه يـنـمـيوفـي الآخـره ييبـس ويخـسـر حـلالـه

هـذي نتايـج وقـت مـن رســم ذمــيوحـنـا نـنـفـذ لـــو عـرفـنـا اعـتـلالـه

[نفحات حساسة]

صح لسانك شاعرنا ولالالا هنت
وفيت وكفيت ..
تقديرى لك..

[عبدالعزيز العقيدي]

الطائر المهاجر
يا سلام الله عليك

شابت قوافي الشعر ما شاب همـي

كلمـا وقـف هـمٍ يجينـي بدالـه

مثل الخيـول اللـي تطـارد بدمـي

والفايـز اللـي يمتحنـي خيـالـه

تسلم وصح السانك
سجل اعجابي وتقبل تحياتي

[مبروك بن ماضي]

الاخ الفاضل الشاعر العلم الدكتور/ عثمان العبدالله
أسعد الله مساك وحيّا الشعر ويّاك
كعادتك شاعرنا العذب تستوطن متصفحاتك الروعة والبهى
مررت من هنا وأنا على يقين بمصافحة إبداعك
وتشرفت بالوقوف أمام هذة الباسقه وأستمتعت بقراءتها
وسوف أصفق لك بحراره كلما مررت من هنا
دمت للإبداع رمزاً ودام مدادك العذب وأحرفك المشرقه
سجل إعجابي القدييييم بشعرك وشخصك الكريم
وتفضل بقبول تحياتي وفييييض ودي واحترامي
أخوك / بن ماضي

[داعي الشوق]

صح لسانك مليوووووووووووووون يالطائر

لي عودة للرد بما يليق

بهذة الرائعة

صح لسانك

،،،،،،،،،،،،،،

[همس الورد]

الله الله الله

صح لساانك

و صح بدنك

قصيدة رائعة

لاهنت

[هندي العتيبي]

الاستاذ الغالي ابوعبد الله

قصيده مليه بالتعبيرعن حال بعض الناس هذه الايام

وعاداتك دايم يابوعبد الله متلق وبارز في اختيار الجميل

وصح السانك ولاعدمناك

كـل لنفسـه عايـشٍ كالأصـمـي

ولا هوب داري عن اخـوه وعيالـه

[منيع]

احـــاول اجمـحـهـا بـفـكــر الـمـلـمـي

واحيـان اجيـب العـيـد سـابـق هـلالـه

عزالله ما تجيب الا الدرر يابوعبدالله

ابيات تحاكي الواقع بكل شفافيه ووضوح لبعض النفوس الاتكاليه

شكرا لكم على مواصلة هذا الابداع المتقن

تحياتي وودي

صح السانك يالقرم قلت واجزلت قصيده بها علم طيب وتجربه مفيده

[عذب القوافي]

صح لسانك أبوعبدالله مبدع بكل حالاتك

تقديري ,,,,,