كل يوم والثاني حوادث جديده

[الطائر المهاجر]

كـل يـوم والثانـي حــوادث جـديـدهفي مجتمع ماهو على الشـر معتـاد

لـو نبحـث الأسبـاب ماهـي عـديـدهنلقى الحضاره من جلب كل الانكـاد

فـي مجتمـع مغلـق عصـورٍ مـديـدهفجأه لقى نفسه على روس الاشهاد

بعـد الفقـر وامـراض كانـت مبـيـدهصـحـه وثــرواتٍ اتــت دون ميـعـاد

الله يـطـول عـمـر نـفــط ويـزيــدهخـلا الرخـم تنسـى مبـادي للاجـداد

كــلٍ يهـابـد يسـبـق الـلـي طـريـدهلـو بـاع دينـه او ضمـيـره والامـجـاد

ظن الحضـاره لا رفـع مـن رصيـدهوملـك عقـارات عـلـى غـيـر تـعـداد

واهـمـل لبيـتـه مــا درى بالـبـديـدهلا مـن بـنـات ولا عـيـالٍ ولا احـفـاد

والبـعـض مـدفـوعٍ برغـبـه شـديـدهيبحث عن الممنوع في فعل مـا راد

شـبـاب طـايـش لارقـابـه سـديــدهيقضـي شبابـه بيـن طــارد وطــراد

بـيـن استـراحـه او امـاكـن بـعـيـدهتلـقـاه مـدفـوع الــى درب الاوغــاد

والأمر عـادي ف العقـول الشريـدهحـريّـة بـوقـت التـحـضـر لـلافــراد

(نــتٍ) وجـــوال بـعـلاقـه وطـيــدهوافلام تعـرض مايـوده مـن اجسـاد

تدفعـه يكسـر كــل عــاده حمـيـدهويعيـش لحـظـاتٍ يظـنـه بالاسـعـاد

فهـم الحضـاره بالخـطـا والمكـيـدهمثـل ولــي امــره فـلاهـوب نـشـاد

ايــة حـضــاره للـنـفـوس البـلـيـدهمن دون وعيٍ منتجـه كـل الافسـاد

وهـذي النتيجـه يالعقـول الرشـيـدهضيـاع حاصـل شامـلٍ كــل الابـعـاد

[ساهر الليل]

كل الابعاااد

صح لسانك وفكرك

ابدعت وامتعت بجميل ما سطرت

كان لي شرف السبق بعناق هالشامخه

لاهنت يا شاعرنا ولاهان مغليك

تحياتي وتقديري

[منيع]

اجدت وابدعت واصبت
شكرا لك
تحياتي

[الراقي]

صح السانك مداد
امتعتنا بهذه الرائعه

دمت بِكُلِ مَوَدَةٍ

[داعي الشوق]

الله يعين و صح لسانك يا بو عبدالله

قصيده تحاكي العصر و سلبياته

ابدعت و امتعت يا مبدع

صح لسانك و فكرك

ولاهنت

[حي الضمير]

صح لسانك وفكرك ياعلم
نص رائع وجزل لا عدمناك

[نجم الإبداع]

صح لسانك يابو عبدالله

ولاهنت

[الطامي]

صح السانك ملايين
ابدعت بتميز فذ
لاهنت

[حرف وشعر]

صح الله اسانك بوعبدالله وفيك تكفيك يابعدى

[بنت النور]

كتبت فأبدعت
جزلة من راس جزل
صح لسانك ولا هنت
تحياتي لــ سموك