لامت مانيب داري من يكفني بالربابه وشيله

[الطائر المهاجر]

بالربابه اداء بلبل الفطاحله

شيلة عبدالعزيز العمار

بصوتي

لامــت مـانـيـب داري مـــن يكـفـنـيولا مـن بكانـي ولا مـن فـرْح لفراقـي

ارحل مثل من رحـل وحـدي وتتبعنـيكـل الخلايـق ويبقـى الـواحـد البـاقـي

امضيت عمري ودرب الحـق ماخذنـيما اخـاف غيـر الولـي عـلاّم باعماقـي

ابذل جهـودي ولا اخشـى مـن يعاتبنـيواسعى إلى الخير دوم العمر باشفاقي

ما دامنـي حـي ادري البعـض يذكرنـيوبعـضٍ نسانـي وبـعـضٍ دوّر احـراقـي

للبـعـض مـبـدا ولــي مـبـدا يوجهـنـيوللبعض غايات ما تمشي على اذواقي

فلا المال والجاه مثل البعض يحكمنـيقـانـع بـرزقـي ورب البـيـت رزاقـــي

اربـي اجيـال كـود البـعـض يسمعـنـيوان ما سمعني فلا هو يعكس اخفاقي

عـلــيّ زرع الـمـبـادي دام تسـعـدنـيومن لا اخذها فهو خـارج عـن نطاقـي

ما اضمن حصادي ولو بالـزرع يتعبنـيفالهـادي الله علـيـم بـصـدق خفـاقـي

ادري بـدنـيـاي فـــيّ مــــا يظـلـلـنـيوادري حياتـي مثلمـا حــت الاوراقــي

نفسـي عزيـزه فـلا التـيـار يخضعـنـياحني له الراس لـو شـدد مـن وثاقـي

مـا نـيـب طــلاّب دنـيـا لــو تجاملـنـيولا نيـب مــن يعـبـد الاصـنـام تـواقـي

ارحل مع اللي رحـل لا شـي يشغلنـيمـرتـاح بـالـي فــلا نـاهــب وبـوّاقــي

[كظيم]

الطـائر المهـاجر
الله عليك يابعــدي
والله يطول بعمرك في مرضاتـه وطاعتـه
وصح لسـانك وفكرك وقلبك
قصيده توّاقـه وفي قمة الجمـال والروعـه
فيهـا الأنفـه والثقـه بالذات والقنآعـه
ابدعت في سرد هالشامخه سبك وحبك
تقبلني وتقبل مروري المتواضع لاهنت
ودي وتقديري

[احمد القاسم]

صح لسانك

قصيده طيبه من شاعر اطيب

والله يجسن خاتمك وخاتمة كل مسلم

[خيالة الشعر]

الله واكبر

هنا الايمان والصدق

اطال الله في عمرك

صح لسانك

ولا نملك سوى السكوت

والدعاء لك بطولة العمر

لاعدمناك

[عبدالرحمن الغيثي]

نص راقي مليء بالحكمة والوقار


اطال الله عمرك على طاعته


صح لسانك وسلم بيانك

[فارس القوافي]

بعدعمر طويل

صح لسانك ياعود

لاهنت

دمت بخير

[منيع]

لك طولت العمر والسلامة في طاعة الله ومرضاتة
ابيات رائعة ومعبرة
والحياة اكبر مدرسة للجميع
تحياتي لكم

[الـزلـزال]

الطائر المهاجر

نص فاق حدود الأتقان والتميز
من شاعر عودنا على تقديم كل متميز وهادف وجزل
شاهدنا بين حروفك إيمان بما يكتب للعبد
شاهدنا جد وإجتهاد لتعديل ماتستطيع تعديله
شاهدنا رضاء بما قدر لك من الله أكان خيرآ أم شرآ
شاهدنا ثبات وعدم تزحزح عن الحق رغم العقبات
شاهدنا نصح وإرشاد بطريقه رائعه ومميزه
حلق طائرنا بقلم شعرك فوق السحاب
وعلينا الأستمتاع والتصفيق له بحراره
صح لسانك ملايين ملايين
ولك فائق تحياتي وتقديري

[محمد العسكر]

الله الله


نزف مؤلم


ابيات

تسقر بين الحنايا


مؤلمه ابياتك يابو عبدالله


والله انها اثرت فيني


تقبل اعذب الود

[عبدالعزيز العمار]

الله الله يالطائر

قصيدة مؤثره في النفس

وان شاءالله لك العمر الطويل في طاعة الرحمن

صح لسانك ولاهنت

تحياتي وتقديري