الا ياصايمٍ لله ترجي العفو والغفران

[الطائر المهاجر]

الا يـاصـايـمٍ لله تــرجــي الـعـفــو والـغـفــرانتفكّر قبـل مـا تخسـر صيامـك وانـت مـا تـدري

ترى الإمساك ماهوعـن طعـامٍ يغـري الجوعـانولا هـو بالعطـش والمـاء تشوفـه بــاردٍ يـجـري

ولا هـو تـأديـة واجــب بـفـرضٍ تركـعـه احـيـانوفكـرك شـاردٍ باحـلام جمـع الـمـال باليـسـري

ترى الإمسك يعني مـا تقـرّب مجلـس العصيـانبـقــولٍ او بـفـعـلٍ آثــــمٍ بـالـســر والـجـهــري

لسانـك كـان مـا صنتـه عـن الـزلات بالمـيـزانيـوديـك المهـالـك كــان مــا تحكـمـه يالـحـذري

وفكرك لو شرد لحظه الى الشهوات والعصيـانشريـت الغـي مـا تشعـر بفعـلٍ يتـبـع الفـكـري

تخون العين لو جاع البطن في ضامـرٍ عطشـانخفـيـفٍ كلـمـا هــب الـهـوى يـاخـذه للـقـفـري

ونـفـسٍ مــا حكمـهـا ضـامـرٍ ممـلـوء بالإيـمـانبـلا تفكـيـر راعيـهـا يجـيـب العـيـد مــن بــدري

يحسب الصـوم ليـن اليـوم يكمـل ساعـة الآذانوفــي ليـلـه دروب الـغـي يحييـهـا بــلا سـتـري

وبعـضٍ نفسـه بخشمـه علـى كـل المـلا زعـلانواذا منّه دخـل بيتـه نفـش ريشـه كمـا النسـري

يتدخل في صغير اشيـاء ويقلـب عالـي الأركـانيــدوّر شــرّ ولسـانـه طـويـلٍ جـــاوز الـمـتـري

واذا مـنـه مـلـى بطـنـه تـأسـف كـنـه الـبـزرانوقــال الـصـوم اتعبـنـي وقــدّم بـايـخ الـعـذري

جهل منّه بدور الصوم في الأنفس وفـي الأبـدانيريح النفـس مـا تغضـب ولاتـدري عـن القهـري

تقضي الوقـت مـا ملّـت مابيـن الذكـر والقـرآنتسيـر بنـور فـي لـيـل الحـيـاة وكنـهـا بفـجـري

وتـدري اليـوم أو بكـره تـفـارق تـتـرك الـخـلانالــى دار الحـسـاب بـعـدل لازيــفٍ ولا مـكـري

ترى قلـبٍ بـلا إيمـان صـادق مطمـع الشيطـانعلى كيفه يمشّـي صاحبـه فـي النهـي والأمـري

وترى الإنسان دون إيمان خالص ما يعـدّ إنسـانلأن الديـن يسمـو بـه عـن الشهـوات والفـجـري

تفـكّـر يــا رعــاك الله تـرانـا بــأرذل الأزمـــانبـه الشيطـان تـيّـاره قــوي يـجـرف الصـخـري

تمـسـك بالعقـيـده لا تـفـرّط تحـمـي الأوطـــانوترضـي خالقـك بالفعـل تقهـر داعـي الكـفـري

مـن اللـي نيّتـه تحطيـم باقـي الـديـن بـالأذهـانونقبـل كـل مايـفـرض عليـنـا بـغـزوه الفـكـري

ولا تنسـى بهـذا الشـهـر تـدعـو خـالـق الأكــوانبنـصـرٍ عـاجـلٍ نـــوره يـشــع بلـيـلـة الـقــدري

على الجاير على الظالم على من سار بالطغيانعــدو الله شــارونٍ وطفـلـه بــوش بالـعـهـري

[صعبة المنال]

جزلة

سلمت وصح لسانك

صعووب

[نفحات حساسة]

الله يعفو عنا..وصح الله لسانك..ولاهنت
تحياتى..

[جلال ابراهيم الصبيح]

خالص الشكر والتقدير
على كل جهودك الرائعه
تقبل اطيب التحيه

[الطائر المهاجر]

شكرا صعبه
على كريم المرور
لاهنتي
اطيب التحيه

[منيع]

جزل ومبدع يادكتور
شكرا لك
تحياتي

[الطائر المهاجر]

شكرا نفحات
على كريم المرور
لاهنتي
اطيب التحيه

[محمد بن عمار]

الله عليك يادكتور صح لسانك وجاد بيانك
وبارك الله فيك وتقبل صيامك

[الطامي]

صح السانك بو عبدالله
وقديمك نديمك
ومبارك عليك الشهر

[الطائر المهاجر]

شكرا جلال
على كريم المتابعه
لاهنت
تحياتي