لسان الفتى نصف ونصف فؤاده(بالصوت)

[الطائر المهاجر]

"لسان الفتى نصفٍ  ونصفٍ  فؤاده"اذا  هو  فقدها  وش  بقى  له   بزايد

عن  اللي  بليّا  عقل  يرسي  شدادهمن  اللي  خلق  ربي  لشيل  الكوايد

لسانك  اذا  ما  تحكمه   في   ركادهيصيدك بهرجك  من  نصب  للمصايد

فكلش  ولو  عجّلت  به   فيه   فادهالا   الكلام   العجل   ما   به    فوايد

ولا  صرت  غضبانٍ  ولا   لك   جلادهفابعد  عن  الموقف  فهرجك   نقايد

فما تنفع آسف  من  كبى  به  جوادهولا  ينفع   المطعون   كثر   الضمايد

والحرف مثل السيف  يشفي  مرادهفي  يد  فارس  يوم   وقت   الجلايد

اما   الجبان   ولو   يشيله..    قرادهيوذى   لنفسه   قبل   يوذي   البعايد

جهاد الفتى نفسه ترى اعظم  جهادهتحكّم   بها   فابليس   للنفس    قايد

وخل الغرور ان كان  تبغي  السعادهفكثر    التواضع    ينفعك    بالشدايد

تعلمت  اعيش  بدنيتي   في   زهادهفشمس العمر ياصاح  باعلا  الجرايد

وتعلمت في كسب  الملا  خير  عادهفمن   لا   كسبهم   خاسر    للسنايد

ومن غلط في حقي فلا  انوي  لجادهادوّر   له   الأعذار   لو   هي    زهايد

وان   كان   حاقد   مستمر    بعنادهيحتاج   بعض   النفض   حتى   يحايد

فعقله  صغير  مثل   عقل   الجرادهحتى    ولو    شفته    كبير    اللغايد

يشوف   نفسه   سيّدٍ   فوق    سادهوهو    الخبير    بكل    شئٍ     ورايد

ما   يحتمل    للغير    ادنى    انتقادهو    يظن    كلٍ    ماشيٍ     بالمكايد

يقلب على اقرب من رفع في مزادهويخسرصديق  وصاحبٍ   كان   فايد

سيطر  عليه  الوهم  واعمى   قيادهماعاد    يدري    صاحبه    والضدايد

من  لا  حكم  نفسه   بعقل   وركادهيدفع    ثمن    غلطته    هم    ونكايد

[صعبة المنال]

صح لساااانك

جزلة

صعوووب

[نفحات حساسة]

تسلم بو عبدالله
وصح الله لسانك..ولاهنت
تقديرى لك..

[الطائر المهاجر]

شكرا صعبه
على كريم المتابعه
لاهنتي
تحياتي

[منيع]

ياسلام عليك ناصح وفايد
معبرة ورائعة
تحياتي لكم

[الطامي]

صح السانك
ولاهنت