يستاسع الصدر لاشفت الظلام يزول

[الطائر المهاجر]

يستاسع الصدر لاشفت الظلام يزول=ولا شفت طاغي يطيح بشر اعماله
ويضيق صدري اذا شفت الغبار يحول= ولا دْري وش اللي وراه ويحجب ظلاله
في وقت شفت العجايب عرضها والطول = وكلٍ بليله على ليلاه موّاله
احد ينافق بمدحه لو يدق طبول= بايع ضميره وهمّه جمع بامواله
واحدٍ يبي المدح في ظنه جزيل فعول= مما تقول البطانه تخفي اهماله
ولا ثار شعبه يطالب قيل جمع خبول= وراهم اللي وراهم حقق اقواله
ان كان عاقل تنحّى لو رحل بذهول = وان كان جاهل بدا تجهيز افياله
يقتل بشعب عزل ماثمّن المجهول= حتى يجيه البلى من غير يحرى له
قوة تحالف تهز الأرض دون خيول = قنابل مدمره ما ترحم احواله
ومن عقب ماهو زعيم وهيبته بقبول= يصبح مطارد ومجرم محد يرثى له
يجمّد رصيده ويصبح كنه المشلول = ويمكن يحاكم ويعدم مثل امثاله
هي البطانه حكومة ظل فيها ختول= وفيها اناني يدور سرق لعياله
وفيها حقيرٍ خسيسٍ غايته لوصول= يتحمل الذل مهما كان اذلاله
فمن لا انتقى له رجالٍ فاضلين عدول= الصدق منهاجهم ماخافوا ازعاله
كلٍ نظيفٍ عفيف بفعلته والقول = ضمير حيٍ ويخشى يوم ترحاله
عينٍ على الشعب ماعنده اسد ووعول= الكل واحد ويعطي كلٍ إجلاله
لاظلم .. لافقر .. لاجوع بجبل وسهول= وثروة بلدهم تقسم مابها اشكاله
الكل ياخذ نصيبه دون ادنى غلول = والكل يحرص على الطيّب من خصاله
ومنهو تبيّن عميلٍ للعدا مرسول = يجتث عرقه ويجزى سيئ افعاله
منهاج رب الخلايق ما عرف لمْيول= ومن شذ عنّه يلاقي شر اعماله

[كظيم]

أنا اشهـد مايطيح إلا فاسد بشر أعمـالـه

الله المستعـــان
هنـا نص تحدث بعقل ورؤيـه ثاقبـه حكيمـه
بلورهـا شاعرنـا في قالب شعري فاق الروعه
هنـا كلمات توصف حال اغلب المجتمعـات
فـ شاعرنـا فنـّد المشاكل واسبابهــا ثم أتى بالحـل
فما نشاهده في اصقاع الدول العربيه ماهو إلا كما قرأت

ابو عبدالله
صح لســـانك وفكرك النيـّـر الواعــي
نص جـزل وشــامخ
والله يرحم الحـال ويطلف فينـــا
تقبل مروري المتواضع لاهنت
ودي وتقديري

[نجم الإبداع]

ياسلام على الرؤيه الثاقبه

وياليت العالم تعتبر

صح لسانك حتى ترضى

ولاهنت

تقبل مروري

وتقديري

[جهاد الشعلان]

قصيده تدرس

رائعه من روائعك يابوعبدالله

وكلنا تستاسع صدورنا مثلك اذا شفنا اهل الشر والخونه ينقشون كما قشة الحمظ


صح لسانك وسلم بنانك

تقبل مروري

[عبدالعزيز العمار]

انا اشهد وصدقت وأصبت كبد الحقيقه

وضعت اليد على الجرح يالطائر

صح لسانك وكلك ولاهنت

شاعر تحاكي مايشعر به المجتمع

لاهنت ولاهان راسك وتقبل اطيب التحايا والتقدير

[هاوي نجد]

ياسلام عليك يابو عبدالله
قصيد في الصميم يالله المستعان
صح السانك ولاهنت على اقتناص المواضيع الهادفه
تقبل مروري ولك تحياتـــــــــــي

[بيدي رسنها]

الطائر المهاجر كتبت فابدعت لله درك .. وصح لسانك شاعرنا القدير .. وسلم عمرك وحرفك .. نص صور لنا الحاصل في معظم الدول العربيه .. والله المستعان .. مبدع كاعادتك فيما تطرحه .. ولاهنت شاعرنا .. تحياتي الطيبه ..

[عمر ال شيبي]

حكيم القاف قلتها زمان

ولن اغير رايي

قلت الصدق مواكبا للاحداث
بارك الله بك سيدي

وصح لسانك مليون المليون

[أم ريما]

كــــلٍ نـظـيــفٍ عـفـيــف بفـعـلـتـه والــقـــول

ضـمـيــر حــــيٍ ويـخـشــى يـــــوم تـرحــالــه

عينٍ علـى الشعـب ماعنـده اسـد ووعـول

الــكـــل واحــــــد ويــعــطــي كــــــلٍ إجـــلالـــه

لاظلم .. لافقر .. لاجوع بجبـل وسهـول

وثــــروة بـلـدهــم تـقـســم مـابـهــا اشـكـالــه

الـكـل يـاخــذ نصـيـبـه دون ادنـــى غـلــول

والكل يحـرص علـى الطيّـب مـن خصالـه

صح لسانك

قصيده في قمة الروعه

يعطيك الف عافيه

تحياتي لك

[عبير الورد]

الله الله

صح لسااااااانك ملايين


سلمت وسلم منطوقك الجزل


ربي يعطيك العافية