مساجلة التحدي بحرفين فأكثر ومن بدعك

[نجم الإبداع]

السلام عليكم ورحمة الله

إخواني الشعراء الفطاحله

هنا منازله للغوص في اعماق الكلمه

وهي ملحمه يبداء الشاعر فيها بــــ (الثلاثة أحرف ) الأخيره

من ابيات الشاعر الذي سبقه

وبحرية الوزن والقافيه

هنا للفطاحل ملحمه كنهـا ذي قـاربها كل فطحل صاغ بالقاف عنوانـه

قلـوبٍ نقيـه نهجهـا سامـي الأفكـاربها الطائر الي يطرب الصب ميزانه

يعني الي بعدي يبداء بــــــــ( أ ن هـ )

تحياتي للجميع
منقول فكرة أخونا(حمد الشرعان)

[الطائر المهاجر]

الفكره جيد ن لكن الطاروق رايح يختلف

انهى النفس عن كل دربٍ به العار = ولا تساهل تحسب إنّك لحالك
الله رقيبك عالم السر وجهار = والناس تشنى لوهم اقرب خوالك

[نجم الإبداع]

الكيف من فنجال قهوه على النار = والبال خالي بين زهر ورياحين
خصوص لامن جات في ليل سمار = والود يسري بينهم بالموازين

[الطائر المهاجر]

الثلاثة حروف اختلفت يافلاح : حين ، زين ، اختر وعدل

[منيع]

زين الطبايع والغلا والتعاجيب=الله طبعها في جنابك طباعه
ياسيدالخفرات وكل الرعابيب=سلمت لك روحي وقلبي وداعه

[الطائر المهاجر]

الثلاثة الأحرف الأخيره : اعه

[سناعيس]

فكره رائعه جدا أخوي فلاح
خذوذو محاولتي

[الطائر المهاجر]

اعتقد الإكتفاء بالحرفين الأخيرين شريطة أن يكونا أصليين سيسهل المهمة ، والمقصود لاتكون النهاية همزة او ياء
يمكن الإستغناء عنهما بفتحة او كسره .

[نجم الإبداع]

ماعليش اخوي سناعيس
اخر ابيات ابو عبدالله (هبي)

هبيل من يعشق صغيره وهو شيخ = لو جاء الطلوع يخر زيت المكينه
خلك على اعجيزك لاتشوف مريخ = وسهيل في عز الظهر والغبينه

( ينه)

[الطائر المهاجر]