جيلٍ ظهر ماهوب داري مساره

[الطائر المهاجر]

جيلٍظ€هر  ماهوب  داري   مسارهضيع  دروبه  مادرى  وين   مرساه

خذا   قشور   الغربظ€نه   حضارهوفي   غبة   التيار   يتبع    لمشهاه

فلا  طور   لعقلٍ   فرض   انتصارهمثل الغرب بابداع في  كل  مسعاه

ولا هو  تمسك  في  جذور  انحدارهبعلم   الرجوله   والمبادي   وتقواه

جيلٍ    سريع    بثنيته     وانصهارهكبر الجسوم وعقل  عايش  بمنفاه

نادر   تلاقي   من   يسرك    وقارهفالغالبيه    صفر    فاشل    بدنياه

اقلهم  في   اللعب   يشغل   نهارهب "النت" يلعب دايم  الدوم  يهواه

وإلا   مع   الشله   ضياع   ودشارهكاس  وحشيشٍ   والرجوله   تعداه

يطرد بنات  الناس  في  كل  حارهوفي كل سوقٍ  مالقى  من  توطاه

ولو هو موظف  ما  يعرف  ادخارهراتبه  يقضى  والشهر   في   بداياه

اكل  المطاعم  عادته  في   بطارهوسيارته   اقساط   لاهل   المراباه

وثوبه  على  الغسال  ينفض  غبارهحتى  الكوي  ما  يعرفه  لو   تحداه

كشخه على الفاضي بعزم وجسارهوالجيب فاضي ماعرف  يوم  يملاه

او  عاطلٍ  رغم  الفقر   به   ثوارهما  يحتمل  للشغل  لو  به  مراعاه

عاله  على  اهله  مادرى  بالحرارهولا هوب حاسس  بالغثى  والمعاناه

ولا من ضهده الوقت يسرق  لجارهولاّ  من   الممنوع   بيعه   ومشراه

جيلٍ    بلا    اعداد    ضاع    بديارهولا  فيه  من   فكر   بخطه   تذراه

مفروض     تجنيدٍ     بلا     اختيارهعامين   مافيها   دلع   او    مداراه

يدرب  على  اعمالٍ  تزيده   مهارهمما  يبيه  السوق  ما  شي  يعصاه

يطلع   بها   رجال   عقل   وجدارهمن وين ما يرمى على  الجد  تلقاه

يفيد   نفسه   بعد    يحمي    لدارهمن  كل  وافد  ينقل   الداء   برداه

[صعبة المنال]

هذا هو الحال!!!
صح فكرك ولسانك

صعووووب

[عبدالرحمن بن زهير]

باقي ماشفت شي يا بوعبدالله لا رجعوا كلهم عزالله بيخربون الطبع والطبايع ومثل ماقلت ماياخذون الا القشور..

كلامك في محله وصح لسانك ملايين

[كظيم]

ابو عبدالله ..
لله درك من شاعر
صح لسـانك وفكرك وقلبك
ابيات في قمة الجمال والروعـه
صوّرت لنـا واقع نلمحـه ونعيشـه
وما نستطيع قوله .. رحمـاك يارب
الله يغفر لنـا
تقبل مروري المتواضع لاهنت
ودي وتقديري

[سناعيس]

للأسف هذا الحاصل
صح لسانك يابو عبدالله
لاهنت

تحياتي

[عبير الورد]

الله الله


صح لسااااانك ملايين


سلمت وسلم منطوقك الجزل


ربي يعطيك العافية

[عبدالعزيز العمار]

انا اشهد

رائع يابو عبدالله بل في قمة الروعة والإبداع

صح لسانك وفكرك ولاهنت

تحياتي لك

[منيع]

كبر الجسوم وعقـل عايـش بمنفـاه

والشاعريقول كذالك
لابأس بالقوم من طول ومن عرض=جسم البغال واحلام العصافير

اماالتجنيدالاجباري ياليت يطبق
تسلم يابوعيدالله
لقدصورت حال الشباب في ادق تفاصيلة
شكرا لكم
تحياتي

[حوريه]

رائعه ومعبره

صح لسانكـ مدد

ودااااام حرفلكـ
0
0

[ماجد الراشد الهيري]

صح لسانك ابوعبدالله وصح فكر ك
ماشاء الله عليك