عار/فين ..ياسيدي بدري وتو الليل ماهوووود

تصدقين
كنت أكلم فيك ساري
بكل حين
وكان ساري
بكل مابه من
حنين
كان غير
غير ..كل الساريين
وكنتي انتي
ايه انتي
كنتي
غير
وتصدقين
هذا ليل المر ..مر
والقمر ..نادي علي
وقال لي
بصوتي ياتي من بعيد
يابعيد
أقرب اقرب
يمي مر
وقلت له ..أمر ..أمر
ويم مريته بخير
وقال لي
يا شين ..حر
ونار هذا البرد
طافي
قم واشعلي جمر
ومن ضلوعك
أحطب المعنى سمر
ولا تجمر
سو لي فنجال ..قهوة
علني القى لي
سلوه
واشرب الفنجال
مر
بفــن / جال
مره
وطعت شوره
وقمت له
ورحت يمه
في السماء
حيث تكوين النساء
غير ..عن كل النساء
وحيث كان الماء ..ماء
ولا يصب
بله إناء
ولاعطشت ..من السحاب
أعصر الغيم ..بيديه
أعصره حتى يجيني
من ناده الماء
بيديه
ندى
وفيه
ماء
وارتويه ..ويرتويني
بدون
ما أضمى
لما ...!
وكل قطره ..من سراب
في إناء
ومن عذاب
جت تغنيني
عناء
بكل ليله ..فيها
ذاب
قلبي ..اللي ماعرفته
الا يومني
صدفته
خلف باب ٍ
كان ...خلف هذا الباب
باب
وفي
السماء
وثم ..اروى
دون
ماء
من ماء النقاء
وحلم ..متبخر ..سراب
كان يحلم من قديم
بس كان
بـ أحلام
الشقاء
في
العراء
ااه منه
كان هذا الحلم
طير
ورغم هذا
مايطير
وكان هذا الطير
غير
وكان ..اكبر ..ذنب عنده
ان هذا الطير
طير ..حر
وما قدر
الا يغير
وكانت الدنيا ..صغيره
وكنت أناضر
بس بعيون الحياء
كيف عاش الحر
ب احساسه
فقير
ورغم هذا
مايحس انه
فقير
وكل ما به
في عيونه
كان بعيونه
كبير
حتى لو هو كان
اسير ..لا يسير
الا للمنفى ..بعيونك
حتى لو أنه
كسير
وكانت عيوني ..تناضر
في خضار الارض ساعه
وكانت الساعه كبيره
تصدقون
كانت بقد النظيم
وكنت اناضر
في مناضر
توصل الحي ..التياعه
وفي جماعه
كانت تصلي ..جماعه
نصفها بلا ..وضوء
وكان من خلف الجماعه
ضوء لكن
كان هذا الضوء ..احمر
أح /مر
وكان عنده ناس واجد
شخص راكع
وشخص
ساجد
وكنت ان من بعد
لكن
كنت انا اعد
كم لهذا اللون ناس
مادرت ..بحساس ..ناس
ولا بها ..أضن يمكن
حتى لو ..إني أدور
مابها
يمكن أحساس
وكنت حاس ..إني ضياع من بعيد
وكنت اعيد
كانو ناس
يومهم ..كنه سنه
وعامهم ..ياهوووووو ..طويل
وياهو مرررررررره
مررررررررررررررررررر حيل
وحولهم بيت ..كبير
وفيه خدام ..وعبيد
وفيه للسادات ...سيد
وفيه تحديد
المصير
وفيه شي مايصير
وبه يصير
ولا يصير
الا شي ٍ
فيه هذا السيد
يأمر
والا شي هو يريد
شي لاكن
شي
غير
وتصدقون
وسط هذا البيت ..شفت
شي
لاكن
شي غريب
شفت وسط البيت
بير
وفيه وسط البير ..طير
وبه حمامه
بس بيضاء
كانت تغني ..وتقول
يافصول ٍ ..اصبحت ..ماهي فصول
وياحقول ٍ ..تنبت الزيتون
كانت
وانتهت
ماهي ..حقول
ووشفت خلف البير ..نار
وشفت ناس
وشفت فاس
وشفت ..مفقود ..الضمير
جالس فوق
الحصير
وشفت ...شي ..مايصدق
شفت بعيوني
الكبير
اللي كان اول يسيد
وكان سيد
جاء لمفقود الضمير
وفي يده
شايل
عصير
وقبل لا يشرب عصير
قال ابي
وقال ابي
وقال ابي
وكان لامن قال ابي
جاء جواب السيد له
كل ماتبي
يصير
وشفت ..فيه هنا مسبح
وكان مسبح ..بس قلب
ايه مسبح
والله مسبح
بس قلب
ماهو مسبح ناس
غلب
وكان في هالمسبح
الماء
طعم أخر
طعم فاخر
طعم زاخر
بالهناء
ماهو ماء الاشقياء
اللي ..كافيهم
بقاء
ماء اطيب
أطيب أطيب
حتى من ما تشربون
ماء لكن ماء
غير
كان ..يتلون ..بمائه
وكان مائه
يكتب المعنى ..بدائه
وكان دائه
يغتسل فيه ..الاكيد
وفي ردائه
وخلف هذا المسيح
اصبح
شي ..مدري
يمكن ..اضنه ضباب
وباب يفتح ..بالهوى
لكل ماسمي
دواء
وبه شفاء
لكل داء ..جاء يعيد
رسمة المر ..بحياتي
وذاكرة ماضي
رفاتي
بعد ..ماندي ..لطفله
كانت ..من الحب ...جفله
رغم إن الطفله هذي
كل يوم
وهي في حفله
مره ..يحيها عبادي
والا اغاني
عن بلادي
وعن ودادي
ومره ..كان الصوت فيها
يغني ..في احساس
هادي
ولما تلاقينا ..على سفح رامة ٍ
وجدت بنان العامريه
أحمرا
فقلت خضبت الكف ..بعد فراقنا
قالت ماعاذالله ..ذلك ..ماجرى
ولكنني ...لما وجدتك راحلاً
بكيت دماً ..حتى بللت به
الثرى
مسحت ب أطراف البنان مدامعي
فصار خضابا ..في اليدين كما ترى
..
ياسيدي بدري
وتو الليل ماهود
وانا جالس على الشرفه
واناديلك
رغم اني حيل خايف
اني لا اجيلك
واجي
لك
ورغم خوفي
صحت با على الصوت
هييه انتي
تعالي لي وغني لي
لوهي غنوه
وفل الليل ..من ليلك
ما دام العمر ..لك سلوه
وانا عمري ..فدى ..خيلك
تعالي ..وضوي قنديلك
كافني الليل
ياحلوه
ومدي لي
ولو غلطه
حرير ,,ملمسه يدك
ومن ودك
وقولي لي
عن اللي بك ..,ماهوفيني
وعن ما بك ..وما جابك
على بالي
ويكفيني
ولو مره
ولو
غلطه
تعالي لي
وانا اللي ما سكن
حالي
عن اني بك ..ولك ..مابك
اغني بك
هو الغالي
هو العالي
وانا اللي ضيعه ليلك
وقنديلك
واتذكر ..أغني الحب
واغني لك
يووه ..اسف ..اثر ماينفع ..حياتي
نجتمع والليل ..حلم
والبقا سوط ..جلد ٍ
وعلم
والكتوف ..من العراء
جت تصحيني ..خلاص
لا تغني ..يسمعونك
ويكتبونك ..شخص مجرم
ويصلبونك
تحت ..ميدان ..البقاء
ورغم هذا
ما تموت
ياخي كافي
لا تغني
واسمع لصوت ٍ ينادي
جاك يركض من بعيد
يحمل بيمناه سيف
ومع حراس
وعبيد
وانت مجرم بالفناء
وبنته الماء
ب إناء
قدمت ماء ..الاكيد
لفاقد إحساس
الضمير
ياخي أفهم
افهم أفهم
ما انت حمل ..للشقاء
ولا انت ..حمل للبقاء
تحت ..أسياط
القصيد
وحلم لامنه تعسر
بالولاده
وبعد مر الوقت
انولد
ينوئد
وهو
وليد
يا اخي افم
دن
دن
دن
لجل تخرج ..من فنائك
ولفناء السيد
تدخل
ثم تصبح
عبد ..من ضمن العبيد
بس
سيـــد
ياخي
دن

يقـول دن ..وقلـت أنـا ..صـعـب أدنــيوانـا الـذي ياقاتلـي ..فـي خبـر ...كـان

ضنك يدنـي ..مـن يقـول ..الـك ..حنـيلامن رحـل فـي عالـم الغيـم ..نشـوان

ياعود ..غصن ..مـن حمـل بـه ..شدنـيوالله ثـــم والله ..وازيــــد ..الايــمــان

لـولا الضروف..اللـي تعـرف ..أحجبنـيإنـي لاجيلـك ..لـو بهـا أمـوت ..يالـبـان

لكـي دخيلـك ..كـان تشعـربـي.. عـنـيلازلت في منضور ...عينيـك ..مـن/دان

وقـلـي ..اذا مــن يـابـس الخبز..سـنـيودع مكانـه ..وانتحـى ..كيـف الاسـنـان

وقـلـي ..اذا الـلـي ..بالمحـبـه شطـنـيماحني فيني ..كيف انا ..احـن ..لاشـان

وقلـي الـى مـن صـار ..ماصـار ..غنـيلانـي ..بغنـي ..بـس فـي حــس فـنـان

كـان يتمنـى ..لـك يـجـي ..بــس كـنـيلاصـار ..دونك..وانـت بضلوعـه أغصـان

لاهـزهـن غــرب ..الهـبـوب ..وعصـنـيمالى جدى ..غير أقبل ..بحـب عصيـان

يـابـو رمــوش ٍ ..بالسـهـوم ..ارتـمـنـيميـل الغصـن ..وتمايـل ..عـلـى شــان

أقـول ذقــت الـلـي بـهـن ..واشبعـنـيومن بعدهن ..عـن كـل مالـذ ..شبعـان

وقرب لي ..الماء ..والمضامـي ضمنـيواليـا شـربـت ..ابــا اقــول ..ضمـيـان

لــو هــن رونــي ..مـنـك ..لا مـارونـيلاكن رغم هـذا ..عـن أي مـاء ..رويـان

ولامـال غصـن فيـه .. خــوخٍٍ ..مجـنـيلاتحرمين ..اللـي تحـت غصنـك ..اثنـان

طعـم الشهـد ..واللـي بـهـن شاهـدنـيوالمـاء واللـي ..بـه مـن النـار ...نـاران

لاصــار ..مــاء البـيـر ..والــدن ..دنــيمعقول ..أموت ..وداخلي ..حي بلشـان

يــاوردي الأحـمـر ...ملـلـت ..التـعـنـيوقلبـي ماعـاده ..مثـل الاول ..وذبــلان

لاهـبـه الـغـربـي ..هـــوى ..وارجـهـنـيوقـام ..يتخيـل ..كيـف ..تميـل طربـان

ياهـن ..هــن الحـزنـي فيـنـي ..وهـنـيغيم ..نطر ..بـي ماطـره ..وهـو ثمـلان

قــال إسمـعـنـي يالـبـنـي ..وافهـمـنـيماغيرها ..هي الاهـم (وبـس ) بس/تـان

وهـى الهـوى ..اللـي بـصـدري سجـنـيوهـي السجيـن ..المتهـم فـيـه سـجـان

اللـي مـن شفاهـا الـحـروف ..اذهلـنـيبالـذات لاقـلـت ..(ماأحـبـك) وبلـسـان

يـجـر حــرف المـيـم ..لـيـن... يغفـنـيفـي شفتـه باقـي حروفـه ..ولا.. تـبـان

ساعـة أكـن الغيـم ..واشهـق ..واكـنـيوارسم غيوم بداخلي ..وارسـم اوطـان

فيهـن لقـيـت ..الحـلـم يـقـول ..حـنـيماناقـص المسكـيـن ..ياغـيـر ..تحـنـان

مـــر ..اول الالام ..حـتــى ..أمـتـحـنـيوخلانـي ارسـم فيـه ..لوحـة لـلأحـزان

لـوحـة وفيـهـا بـحـر ..فـيــه ابـحـرنـيحور العيون ..اللي حشـا ماهـي اعيـان

فيهـا مــن الاشـجـان ..مـاهـو شجـنـيوانــا بلـيـا ..مـانـي نـاقـص لـلاشـجـان

مجـنـون خلـقـه بــس ..مافـيـه جـنـيلو يكتـب ..احساسـه ..تحسـه باللحـان

يـامـى وزنـتـه ..بــس يـاهـو .. وزنـــيلـــو مـاتـوازنـت بحـيـاتـي ..ب الاوزان

يـاقـال.. لــي ..يالله بـنـا ..قــم نغـنـيوثم جر صوت بالشجـن ..جـر شفقـان

عـلـى عشـيـرٍ ٍ ..راح ..صـعــب يـثـنـييـوم ٍ خــذوه لشـايـب ٍ ســاق الاثـمـان

فــي ..ديــرة ٍ فـيـهـا النفل.مرجـهـنـيمامـرهـا ..إنـسـيٍ ..ولا مـرهـا ..جــان

لاجــر ..صـوتــه ..بالـغـنـاوي ..فـتـنـيوانــا خـويـك ..منفـتـن ..دون ..فـتــان

وش لــون لامــن قــال ..بالله عـنــيمحتاج أعيش انسان ..بحساس إنسـان

واقول ..ليـش ..لمـن طعنـي ..طعنـيمايكـفـي ب أبـائـنـا ..نـعـيـش يـتـمـان

يـاجـرح لا تــاوي ..واذا اويــت ..خـنـييمكـن يمـوت بداخلـي ..طـفـل بــردان

كـل الشتـاء والصيـف ..حـلـم وتمـنـيوجاه الخريف ..وصار شايب ..وخرفان

مـن ماحصلـه ..صــاح لــك ..دودهـنـيبنـات فكـر ..عانـن بفكـري ..حـرمـان

كانـن ..يجنـي قـبـل ..والـيـوم ..جـنـيوانـا خويـك ..مــا اقــدر ارد ..ضيـفـان

واكرمتهـن ..يـاخـوك ..حـتـى البسـنـيواصبحت ..منهـن .شيـخ لاشـك عريـان

وعلـى مقيـض القيـض ..كـم قيضـنـيحتى لبسـت فريهـن ..فـي وهـج ضـان

واليـوم ..جنـي ..عقـب غيـبـه ..وبـنـيماعاد به قـدره علـى الفـور ..يـا فـلان

لاكــن ورب الـقـدس ..هـــن فـورنــيفـي دلـه ٍ ..مــع سلسبـيـل ٍ ..ودخــان

ويـوم الغيـاب المـر ..جـن ..وازعجنـيعلى رسول الحـب ..مـن قلـب هويـان

وقالـن لـي اليـا شفـت ..مـن يستكنـيلاسمـع صـوتـك ..قبـلـه بـيـن الاعـيـان

وقـلـه تـرانـي ..مـيـت فـيـك .. وإنــيماعاد بي ..قـدره علـى البعـد ..هلكـان

واليـا ..لمحـت شـفـاه لــك ..تمتمـنـيثـم قالـن ..بكـل الغنـج ..منـه زعــلان

قـلـه تــراه يـقــول ..مـنــي ..ومـنــيأنـي حـرام ..ازعلـك ..طـول الازمــان

وان خـاب ضنـك فـي ..ماخـاب ضـنـيفي دمك اللي بي جرى وسـط شريـان

لاكــن ياقلـبـي ..فيـنـي شــي ..يعـنـيواحيان ..عاصـي ..مايطـوع لـي عنـان

طفـل خـبـل ..فـيـه الـبـداوة ..تطـنـيتاريخ ..ماضي ..وانهدم ..فيـه سيسـان

وجـدار ..مكـتـوب علـيـه هــل ..تبـنـيلامـاتـت الـهـقـوات ..بـبـنـاء ...بـنـيـان

وثــم جيتهن..طـايـش ..واذا طيـشـنـيدايم أجيـب العيـد ..فـي عيـد الاوطـان

واقـول حنـي ..(...(....) ابـوك) ..حنـيكم لي وانا اقـول لـك ..يكفـي ..جنـان

مانـي مـدنـي ..يعـنـي ..مـانـي مـدنـيحتى لـو إن العمـر ..صـار بخبـر ..كـان

لاصار ..مـن منـي ..رفـض قول..منـيوش له اعيش انسان ..لامت ب انسان

[راجي الحاج]

صح لسانك وبنانك

وافيه من وافي

تقبل احترامي وتقديري

[حي الضمير]

مدد صح لسااااانك يافهد
نص جميل من شاعر رائع
تقبل التقدير مني والاحترام يامميز

[حوريه]

صح قلبك يافهد
جزله من شاعر جزل
دمت ودااام حرفك

[مبروك بن ماضي]

الاخ الكريم الشاعر المبدع / فهد الغبين
كالعاده .... مشرقه وجزله هي القصائد اللتي تكتبها .
صح لسانك وفكرك وانا اخوك .
سجل إعجابي وسعادتي بالمرور بين أحرفك المشرقه
دمت أخا أعتز بوجودي في متصفحه
تقبل تحياتي واحترامي
أخوك / بن ماضي

صح صح صح لسااانك وكلك

جزله من شااعر جزل
دمت بهذا التميز والعطااء الفريد

لا هنت

اموااااج

[سناعيس]

الفاضل فهد الغبين
صح لسانك
بوح رائع وجزل
لله درك

لاهنت

تحياتي

[الخنساء]

صح لسانك ولاهنت

ابيات جميلة

سلمت ودمت بخير

[زهرة اللوتس]

سلمت وصح لسانك

جزلة من شاعر جزل

تقبل اخي

اطيب تحية

[الطائر المهاجر]

امتعتنا بهذه الرائعه
صح لسانك
ولاهنت
تحية وتقدير