ياضايق الصدر من دنياك سايرها

[الطائر المهاجر]

ياضايـق الصـدر مـن دنـيـاك سايـرهـايـــومٍ تـغـيّـر فـــلا تـبـعـد حـراويـهــا

محـدٍ صفـت لـه وكلـن صـار خابرهـامـن اول الدهـر تقلـب فــي مواريـهـا

اخـذ الحـذر يـوم تقبـل فـي بشايـرهـاواضحـك لهـا يـوم مـا تعـلـن تحديـهـا

ادري تضايـق مـن الاوضــاعٍ سابـرهـاومن شوفة النـاس ماتحفـظ مباديهـا

وحقـوق ضاعـت بليـا عــدل يجبـرهـاوالــواو تـرفـع طـبـولٍ فــي تعلـيـهـا

حتى الحصاني غدت من ضمن اكابرهاوالذيـب ينـزف لطعنـاتٍ بلـش فيـهـا

والبـوم تلقـاه يـرطـن فــي منابـرهـاوالـصـقـر ذايـــر ومـخـلابـه يخفـيـهـا

واحــرار مقـهـورة مـاطـي صـابـرهـاواوغـاد صـارت تسـيـد فــي علابيـهـا

كلـه مـن الـواو دام الظـهـر ساتـرهـاومبـدا الثقـه دون تمحـيـصٍ لراعيـهـا

لـو كـان هالـواو يقـطـع كــل دابـرهـاشـفـنـا رجـاجـيـل بـالأفـعـال تبنـيـهـا

ولو كان عيـن الرقيـب الكـل خابرهـايحسـب لهـا حـسـاب باولـهـا وتاليـهـا

"من اين لك" كافيه تكشـف مخابرهـاويعاقـب اللـي يتخلـف عــن مباديـهـا

"من وصّلك" تكشف اللي جاء يمررهاهـــذا يــرقــد وذا لـلـجـيـب يـدنـيـهـا

بيـز ورا بيـز تـعـرف مــن ظواهـرهـاواللـي يتفنجـل ورا الجـدران يحميـهـا

مــن دون ردعٍ فــلا مـأمـن لآخـرهــاامــراض تـسـري ولا تلـقـى مداويـهـا

[عبدالله السويلم]

صح لسانك يادكتور

جزله وهادفه

يعطيك العافيه

تحياتي

[نجم الإبداع]

ايو الله صدقت يابو عبدالله

صح لسانك

ولاهنت

[حي الضمير]

ياضايـق الصـدر مــن دنـيـاك سايـرهـا..يـــومٍ تـغـيّــر فــــلا تـبـعــد حـراويـهــا
محـدٍ صفـت لــه وكـلـن صــار خابـرهـا..مــن اول الـدهـر تقـلـب فــي مواريـهـا

قصيده رائعه وابدعت وعوااايدك
ومدد صح لسااااانك شاعر الحكمة

[منيع]

مبدع ورائع وجزل
شكرا لك
تحياتي

[ساهر الليل]

ياضايـق الصـدر مــن دنـيـاك سايـرهـا =يـــومٍ تـغـيّــر فــــلا تـبـعــد حـراويـهــا
محـدٍ صفـت لــه وكـلـن صــار خابـرهـا=مــن اول الـدهـر تقـلـب فــي مواريـهـا
اخـذ الحـذر يـوم تقبـل فــي بشايـرهـا=واضحـك لـهـا يــوم مــا تعـلـن تحديـهـا

الله الله الله

مبدع مبدع مبدع

صح لسانك صح قلبك صح كلك

هكذا والا فلا

جمال حرف جمال بحر جمال قاف جمال نظم جمال في جمال

لافض فوك يا شاعرنا

تقبل تحياتي واعجابي

[داعي الشوق]

صح لسانك و طاب حالك و فالك

ابدعت يا مبدع و صح لسانك مدد

[هاجس نجد]

صح لسانك يا أبا عبد الله

قصيدة واضحة المعالم وغزيرة المعاني

بيض الله وجهك دائماً مبدع ومتطور

وقليل مثلك من يساير أحداث الزمن ومتغيراته بقصائد لا يفهما إلا المدرك الفهيم

تقبل ودي وتقديري,,,

أخوك | سعـد العبيد

هاجس }{ نجــد

[عبدالإله]

صح السانك جزله من راس جزل
لك كل الإعجاب
تقبل تحيتي

[الطائر المهاجر]

شكراً ابوجهاد
على كريم المرور
لاهنت
تحياتي