اذا من خاب ظنّك في الزمن

[الطائر المهاجر]

اذا من خاب ظنّك في الزمن واللـي يديرونـهفـلا تزعـل علـى نفسـك اذا مـالـت موازيـنـه

يجـي لـه يـوم يتغيّـر علـى مـن مـال لعيونـهفخلـك كالجبـل صامـد ولــو ثــارت براكيـنـه

تهـب العاصفـة نسـري تثـيـر غـبـار بسكـونـهوتدفـن كــل مــن حـولـه ولا ينـقـذ مواليـنـه

قليل الفكر من يحسب سنين السعد مضمونهوكثير الشـؤم مـن فكّـر بأنّـه مـن مساجينـه

تـذكّــر فـالـزمـن دوّار لا يـغـريــك بـفـتـونـهودروس الوقـت وافهمهـا فهـذا مـن قوانيـنـه

الا ياضايـقٍ صـدره يحـس القهـر فــي كـونـهتراها تنفرج فـي يـوم لـو طـول العمـر شينـه

تجينـي اليـوم تتـألـم يـبـوح القـلـب مكنـونـهتقـول ان الصبـر كمّـل ولا يستحـمـل سنيـنـه

وقفـت وغيـرك اتسلـق فطبعـك مـا يحبـونـهيعرفـون الامانـه فـي ضميـرٍ صـعـب تلييـنـه

ويعرفونـك عزيـز النفـس وهـذا مــا يدانـونـهيبـوا منّـك نعـم سيـدي وتحنـي الهـام وتهينـه

ومدامـك مرجـعٍ للـراي بخبـره علـم وفنونـهيدارونـك بضحكـة سـن مـا تـدري بمضمـونـه

تعـامـل كـنّـك الحـاسـب يفـيـد ولا يفـيـدونـهواذا منـه تعطـل يــوم يجيـبـوا غـيـره بحيـنـه

ولكـن مــا يـبـوا هــذا فمثـلـك مــن يهابـونـهمدامـك عـارفٍ للـي مـن الاســرار مخفيـنـه

وتدري الثوب يتفصل على اللـي قاصـر دونـهوثوبـك مـع كثـر غسلـه ثبـت شكلـه وتلويـنـه

يبـون الحـر مـا يصمـد يطيـر ويتـرك حصونـهوإذا منّـه سئـل عنّـه يقـولـوا مــا دري ويـنـه

الا يـا لعنـبـو وقــتٍ يغـسـل الفـكـر صابـونـهيغيّـر صاحبـه مبـداه وينسـى الأصـل او دينـه

عزيز النفس لـو خيشـه لبسهـا قـال مزيونـهولا ثـوب الحريـر اللـي يجيـب الــذل ويعيـنـه

[بنت النور]

صح لسانك عددبلامدد
لاهنت
تقديري واحترامي

[الطامي]

صح السانك
ابداع متجدد

لاهنت يادكتور

[منيع]

رائعة ومعبرة يادكتور
شكرا لك ولحرفك القيم الصريح
تحياتي

[داعي الشوق]

صح لسانك وحالك ابو عبدالله

ابداع وجزاله ولاهنت

[الطائر المهاجر]

شكرا بنت النور
على كريم المتابعه
لاهنتي
تحياتي

[الطائر المهاجر]

شكرا الطامي
على كريم المتابعه
لاهنت
تحياتي

[الطائر المهاجر]

شكرا منيع
على كريم المتابعه
لاهنت
تحياتي

[الطائر المهاجر]

شكرا داعي
على كريم المتابعه
لاهنت
تحياتي

[الطائر المهاجر]

شكرا لكل من مر هنا
لاهنتوا
اطيب التحيه