الله على وقت مضى يوم كنت صغير

[الطائر المهاجر]

بالصوت

الله على وقت مضـى يـوم كنـت صغيـريـوم الريـاض بأهلهـا مـا تعـرف اجـنـاب

احـيـاء قليـلـه مـــا بـهــا زود بالتعـمـيـرمتلاصقـات بيوتهـا البـاب جـنـب الـبـاب

الـجـار يـرعـى سـابـع الـجـار بالتـقـديـرودرب الصراحـه دربهـم مـا بهـم كــذاب

والـنـاس تتسـابـق عـلـى فعـلـةٍ للخـيـرمـا نـام جايـع بينـهـم او شـعـر بـارعـاب

ديـنٍ علـى الفطـره ولا يعـرف التحجـيـرفيه التسامـح مـا عـرف لـوم ولاّ عتـاب

واليوم اشوف الدار مـع موجـة التطويـرفيهـا الاجانـب ضعفنـا مكشريـن انـيـاب

زاد الـغـلا مادامـهـم مــن ورا التسعـيـرمتحكـمـيـنٍ بالـتـجـاره وهـــم احـــزاب

شامـي وبنقـال ويمانـي مــع الكشمـيـرمصـري وهنـدي والبقيّـه مــن البنـجـاب

متلاعبـيـن بـدارنـا ويــن مـنــت تـسـيـرومن خلفهـم متبطـحٍ مـا كسـب باتعـاب

يعطـوه طفسـه والبقيّـه الــى التصـديـرمليـار واكثـر لكـل واحــد بلـيّـا حـسـاب

مـصـوا دمــك يــادار وانـتـي بــلا تغيـيـرلو وضعك مدحدر وهم من ورى الاسباب

الاجنـبـي مـتـروك مــا طـالـه التـكـديـرلـو دخلـه المليـار مرفـوع عنـه حـجـاب

والـلـي تـقـرر مــن قــرارٍ يـبـي تفكـيـرلا تـنـفـرون عيـالـكـم فالـفـقـر غـــلاب

فالشعب بالغالب مـن الشـح فـي تقتيـروالأغلـبـيـه بالـفـقـر مـاكـلـيـن تــــراب

الشعـب لامـن جـاع مــا يقـبـل التبـريـريخـتـل امـنـه والقـطـاوه تصـيـر ذيـــاب

لا تتـركـوا الـعـادي يـلاقـي بـهـم تنـفـيـرويشجـع المضهـود يمشـي مـع الارهــاب

[منيع]

اجدت واصبت
شكرا لك ولحرفك الراقي دائما
تحياتي لكم

[بنت النور]

ياسلام على هذي الحروف الماسيه
وصح قلبك ياشاعرالفطاحله
ولاهنت
يعطيك العافيه وبنتظارالقصائدالجديده
تقديري لسموك

[داعي الشوق]

صح لسانك ..
ليتنا لحقنا عليك و انت صغير ههههههه

،، جزاله عذبه ابدعت يا مبدع

صح لسانك ولاهنت

[حرف وشعر]

رجــاع مــا يقـبـل التـبـريـريخـتـل امـنــه والـقـطـاوه تـصـيـر ذيـــاب
لا تتـركـوا الـعـادي يـلاقـي بـــه التنـفـيـرويشجـع المضهـود يمشـي مـع الارهــاب

بعد هذيين البيتين توقف القلم عن التعليق

ومااقول الا كفوووووو ، يالذيب ،،

[الطامي]

صح السانك دكتور
والقديم عديم بزينه وشينه
مابقى الا الذكرى ... الله المستعان
لاهنت

[الطائر المهاجر]

شكرا منيع
على كريم المرور
تحياتي

[الطائر المهاجر]

شكرا بنت النور
على كريم المتابعه
لاهنتي تحياتي

[الطائر المهاجر]

شكرا داعي
على كريم المرور
تحياتي

[الطائر المهاجر]

شكرا حرف وشعر
على كريم المرور
تحياتي