خذاك الشوق

[عبدالعزيز العقيدي]

خذاك  الشوق  وقليبـي  تركتـه**بجمر الود  يصلا  ني  سعيره

على مودك  أنا  ليلـي  سهرتـه**يطول الليل وعيوني قطيـرة

حمى جمر الفراق  وما  قهرتـه**دريك الود  قلي  من  يجيـره

يا ليت الحب منك  مـا  عرفتـه**ولا  حيرتني  وأحترت  حيـره

عصرت فوادي بكفك  عصرتـه**وبعد العصر تسقيني عصيره

جرحت القلب بفراقـك فطرتـه**وجروح القلب ياخلي خطيره

غدر فينا  الزمان  ومـا  غدرتـه**عهود  الود  مازالت  سريـره

كثر ما  همني  شـيء  خسرتـه**تمنيته معي لو  ع  الحصيـرة

أنا همي  رضـى  خـل  عشقتـه**وقلبي ماهوى بالناس  غيـره

حزاني الماي يوم  أنـي  ذكرتـه**وطعم الزاد  لوعني  مريـره

أحبه وأعشقه وأهـوى عشرتـه**يا ليت يرد  ويحكم  ضميـره

[صعبة المنال]

الله الله الله

نص راقى وسلس

سلمت وصح لسانك يا العقيدى


صعوووب

[همس الورد]

الله الله الله

صح لساااانك مليون

و صح بدنك و اعتلا شانك

قصيدة رائعة

تحيتي

[الخنساء]

المشاركة الأصلية كتبت بواسطة عبدالعزيز العقيدي

صح لسانك ولاهنت
جزلة من شاعر متمكن
سلمت ودام حرفك

[احمد الفارس]

عصرت فوادي بكفك عصرتـه**وبعد العصر تسقيني عصيره

صح لسانك .. وطيّب الله فالك ...

[ترانيم المطر]

صح لسانك واعتلا شانك
ابيات رائعة
ترجمت روعة الاحساس
سلمت وسلم تميزك
وإبداعك

تقبل من التحيه أغلاها ودمت بود

[الطائر المهاجر]

بوح رائع من شاعر رائع
لاهنت ولاهان مغليك
صح لسانك مليون ياعبدالعزيز
تحياتي العطره

[دايود صالح الخلف]

الله عليك
صح لسانك
ولاهنت
ابيات رائعه
تحيتي

[ام العمده]

صح لسانك واعتلا شانك

لاهان راسك

ابدعت
دمت بخير

[منيع]

ابيات رائعة
بارك الله فيكم
تحياتي