حوووووووح

[اسير البدر]

قلـبـي تصـبـر وخــل الـلـي مقـفـي يــروح""وانـسـى المواثـيـق وعـهـوده ومـــاراح راح

وش جـاك منـه سـوى هـم وحفنـة جــروح""يكفيـك يكفيـك بالله وانــت نـاقـص جــراح

ياقلـب نــاس مشاعـرهـم طباشـيـر لــوح""رمــاد نـــار تـــذرّي بـــه هـبــوب الـريــاح

ياقلـب تكـفـى تــرا مابـعـد ذا الــروح روح""تطـرد مقفيـن مالـك مــن وراهــم صــلاح

أدري تـحـبــه وخـفـاقــك بـحـبــه يــفـــوح""وادري غـلاه أرتمـى فـي داخـلـك واستـبـاح

وادري عيونـك لمـا جـا الليـل قامـت تـنـوح""دمـع جعـل مـن محاجـيـرك لـضـوّه مــراح

ياقلـب خلـك سمـع قـول العـذول النصـوح""مـايــدري انـــه عـدوٍلابــس ثـــوب صـــاح

حلفـت لـه بالـذي رسّـى علـى البحـر نــوح""لافــاد حـلـفـي ولافـــاد الـبـكـا والـصـيـاح

ضحيت واعطيت ماني في المحبـه شحـوح""واثـري مثـل مــن يسـقّـي نبتـةٍفـي بـطـاح

ياقـلـب وقــف هنـيّـا وانتـبـه حــوح حـــوح""خـط حمـر ترتـكـز دونــه سـنـون الـرمـاح

الا المـذلـه تــرى مـانــي علـيـهـا سـمــوح""لا اعرف مفاهيم خلق الله ولا اعرف سماح

واضـح معـه مـن بدايـاتـي تـمـام الـوضـوح""حتـى يـدون سجـل الـحـب صفـحـة كـفـاح

معـطـره بالـوفـا والـمـسـك فـيـهـا يـفــوح""مـن شاعـر مااخلـف طباعـه زمـن لنفتـاح

وان كـان شفتـك علـى قربـه بتاتـي لـحـوح""فالحل فـي مشـرط الجـراح قطـع الجـراح

ببـدلـك قـلـب لايـعـشـق ولالـــه طـمــوح ""الا بكـسـب المعـالـي فــي دروب الـفــلاح

ياقلـب حبـك يشـيـد فــوق هــام الـصـروح"" رمز على جنـب بـرج المملكـه لـك وشـاح

[منيع]

ياسلام عليك
ابيات ولااروع ولااعذب
دمت مبدعا
شكرا لكم
تحياتي وتقديري

[الطائر المهاجر]

صح لسانك واعتلى شأنك
نص رائع من شاعر رائع
لاهنت يالغالي
تقديري واحترامي

[مجدي صالح المبارك]

الشاعر القدير ( مجحود بن عسكر ) صح لسانك واعتلى شانك على هذه الرائعة التي أتحفتنا وأمتعتنا بها , تقبل مني فائق الود والتقدير ودمت بكل خير .

[زهرة اللوتس]

الشاعر محجود بن عسكر
صح لسانك مليون ولا يكفون
جزلة من شاعر مبدع
لاهنت
تحياتي لك

زهرة

[نجم الإبداع]

وووووووووووووشاح


صح لسانك يامجحود

مصافحه راقيه وصياغه جزله


لاهنت ياشاعر

لاهنت


تقبل مروري

وتقديري

[الـزلـزال]

مجحود بن عسكر
بوح رائع وجميل
من شاعر رائع ومتميز فيما قدمه
أبدعت شاعرنا ولنا امتعت
رعاك الله
صح لسانك ملايين ملايين
ولك فائق تحياتي وتقديري

[شجون القصيد]

الا المذلـه تـرى مانـي عليهـا سمـوح"
"لا اعرف مفاهيم خلق الله ولا اعرف سماح


...................

الله الله

صح لسااانك مجحود

أمام هذه الروعة أجدني عاجزه عن التعبير بما تستحقه هذه الراقية

صح لسانك مليون ولا هنت

الله عليك قصيده ساحره من اولها لآخرها

اتقان وجمال وروعه متناااهيه

ثم ختم جميل للنص كجمال مطلعها

صح لسانك ملايين

وصح الله بوحك الراااقي

لاهنت ولاهان هالجمال

امتعتنا بهالنايفه حتى ارتوينا شعرا وعذوبه

تقبل اعجابي الدائم بما تكتب

تحياااتي

[عذب القوافي]

الجزل / مجحود بن عسكر

صح اللسان

نص وافي وعوايدك الجزال

تقديري ,,,,,

[عمر ال شيبي]

صح لسانك لا هنت ابد