تدليك بالبنزين

[منيع]

هذا فيه واحد من اهل القرى تعرف على واحد من اهل المدن ايام زمان يوم مشاوير الناس على الدواب (الحمير) والسيارات قليلة ونادرة وفقير الله ابن القريه اعجبه مضياف راعي المدينة ولد فقر ماشاف نعمة وعندنا مثل يقول ((وين بيت الشيخ دلوني عليه)) ويتب لك وجهه بن فهرة على ماقالوا مع ذاك الرجال اللي كل بين يوم وترك طاب عليه لاوموقت مايجيه الا وقت غداء وفي يوم اشتكى ذالك القروي بعض الالام اللي تجيه في الركب وبعض من اجزاء جسمة فما صدق خويه هذه الشكوى اللي قالها صاحبه له حتى قال له دواك سهل قال تكفى دلني عليه قال تاخذ لك اشوي بنزين ودلك جسمك به وتشب لك ضويه (نار) وتدفى عندهاالرجال ماصدق خبر واول مارجع للديره مافيه الا سيارة وحده بالبلد وراح لصاحبها وطق عليه وطلب منه شوي بنزبن واستغرب منه راعي السيارة فقال ليه تبقى البنزين وعلمة بقصة الوصفه العجيبه فما تمالك صاحب السيارة نفسه من الضحك فقال له انت ناوي تشب روحك يامغفل تصورو بنزين ونار وكله السبب ان راعي المدينة مايبقى هاالفقير يسير عليه حسبي الله ونعم الوكيل

[الريم]

اوف!!

حسبي الله علييه يبي الرجال يشب بعمره

لا وذاك ضعييف مصدق الوصفة بعد

يسلموو اخوي منيع على القصه

[ابو زياد]

بغى يروح فيها الضعيف
مشكور اخوي منيع على هالقصة

[منيع]

المشاركة الأصلية كتبت بواسطة الريم

اوف!!

حسبي الله علييه يبي الرجال يشب بعمره

لا وذاك ضعييف مصدق الوصفة بعد

يسلموو اخوي منيع على القصه

الاخت القديرة/ الريم
شكرا للحضور والتعقيب
رعاك الله

[منيع]

المشاركة الأصلية كتبت بواسطة ابو زياد

بغى يروح فيها الضعيف
مشكور اخوي منيع على هالقصة

الاخ العزيز/ ابوزياد
شكرا لتفضلك بالدخول والتعقيب
دمت بود

اخي الفاضل المستشار عمر العبدالله

انا اشوف برأة اهل القرى المعروف عنهم وحركات اهل المدن ما اقول الا الله يخارجنا

تسلم تحياتي وتقديري

[منيع]

حياك اللة اخي الحبيب المغترب
وهوكذالك اهل القرى على نياتهم
تحياتي

[بارقةأمل]

قصة تؤلم الضميروالله

هل هذا ما جنيناه من التحضر والتمدن

لماذاأصبح الخبث والأنانية وضيقة الخلق من علامات المدنية؟؟؟!!!!

أخي عبدالله ------------مشكور على القصة المعبرة والتي تكشف

إلى أيُ مدى وصل البعض ؟؟!!!!

[منيع]

الاخت ام زياد
شاكر ومقدر حضورك وتفاعلك
تحياتي

[عبدالله راشد الثويني]

هههههههههههههههههههههههاي

استغفر الله

شر البليٌه مايضحك

هذا انتقام غير شكل

يعطيك العافيه اخوي منيع ولا عدمنا جديدك