الــــــــــوآآآآدع الاخــــير ...!! - الصفحة 3

ابوعبدالرحمن القريشي · 07-12-2008, 10:44 PM

صح لسانك اخوي عبد الكريم

فريدة من فرائدك

ابدعت مدخلها ومخرجها

دمت بود

النهج المختلف · 07-12-2008, 10:55 PM

فريد الحرف :

صح السانك قصيدة رائعة من شاعر رائع ,, ,,

العذوبة والسلاسة في المفردة وصف جميل وحرف فريد ,, ,,

الله يعطيك العافية يامبدع ,, ,,

تحياتي وتقديري ,, ,,

عدنان كريزم · 08-12-2008, 02:18 PM

اقتباس:

المشاركة الأصلية كتبت بواسطة منيع

جمال وابداع
شكرا لك
تحياتي

الابداع هو مرورك يالغلا

فديت هالطله ولا هنت

سعيد الصاعدي · 08-12-2008, 06:19 PM

اقتباس:

المشاركة الأصلية كتبت بواسطة فريد الحرف

صباحكم عسل ..

آخباــــركم ... ؟

مـــــدخــــــل ... :::

رآحت آيام الونـــاسه وآبتدا (سلك) الدوام = وآآآ حسافه يا زماني ما حصل لي مطلبي
رآحت آيام السعادة والفضاوه والكلام = وآقبلت خضر المشاكل في مشارف مضربي
وإبتدا ليل المشاغل يا حياتي والملام = إكتبي ثم إكتبي يا دنيتي ثم إكتبي
ناس غيري عيّدت في منتزه (حي السلام) =وآنا عيدي يا حياتي فوق كرسي مكتبي

كـــــل عــــــــــــام وانتم بألف خير حبايبنا وإنشاله لكم طولة العمر من ربي ...

لكن اخوكم معيّد على مكتبه

قصـــــيده تعبر عن نفسها ....

زماني يا زماني يا زماني = رماني كلّ ما جيته رماني
آقرّب ساعتي لاجله ثواني = ولا عبرّني لو هيّه ب/كلمه
وهبته عمري إلي ما توّهب = لاجل عينه على قربي تزّهب
شرار القلب في حبه تلّهب = عطيته ما يهمه ولا يهمه
تعايشنا ف/آيامٍ جميله = قصيره لكن ف/عيني طويله
آوازن ليلها في آلف ليله = غرامٍ يرفعك يثنيه كمّه
آجيها ليلةٍ آو هي تجيني = يسامر صوتها صوت الحنيني
يمايل غصنها كثر السنيني = وآنا في حضنها (طفلٍ وأمه)
على غفله ولفته (وإنلاقبه) = وباب الحب آغلق دوني بابه
وحيّرني سؤالي ( ولا إجـــابه) = علام الهم في وجهك تجمّه
وسايرني ف/كلمه مدّ بوزه = تقل بالع في حلقه كم موزه
ما تصلح كلمتك آو ما تحوزه = حبيبك جالسٍ يمّك ب/يّمه
تقول ( إنته وما آبغى هجوسك) = آنا آبغى يا قلبي بس فلوسك
آبيها كلها لو هي تحوسك = تعال وشوف غيرك لا تذمه
وقفت وكن جسمي جسم عاجز = وقلبي من سمعها قام يناقز
وآصبح دم وجهي فيني بارز = وآحس العقرب أفرز فيني سمّه
غريبه حالكم يا أهل الهواوي = تشوفون الجروح إبلا مداوي
يصير الحب ذيبٍ قام يعاوي = جروحه تسكت وما وصكّ فمه
ما عمر الدرهم آصبح فيني غايه = ولا خذته وسيله آو كنايه
لا جا فكري ولا آصبح بدايه = حرام الحب تهدم فيه تِمه
ما دامك ناويٍ ترحل وتبعد = وعصا وقتي على جسمي ب\تجلد
تحاسبني على حالي وتسرد = هبوطٍ عقب ما كنّا ف\قمه
قبل ما تعرف الحب الحقيقي = تعلّم في حياتك يا صديقي
قلوب الناس ماهي لك طليقي = آنا طالبك هرجك لو تثمّه
يا ليته ما بغاني ولا بغيته = ولا يطري لي آسري له لبيته
يا ليته ما ذكرني لو طريته = آعيش وعمري الباقي ف/ همّه
فمان الله يا عمرٍ توّسم = فمان الله يا عشقٍ تجسم
فمان الله يا هجرٍ تصمم = فمان الله يا وقتٍ آلمّه
فمان الله يا ناسي وناسي = فمان الله يا تاجي وساسي
فمان الله يا مصدر هوجاسي = فمان الله يا غروٍ آزمّه
فمان الله يا قلبٍ هويته = فمان الله يا حبٍ شريته
فمان الله يا صدرٍ بغيته = ينسيني همومي بس ف/ضمه
تعلمنا ف\هالدنيا تجارب = ساعات الوقت تحسب ف\العقارب
غريبه وقتي إلي ما يقارب = وانا في سمعهم شخصٍ أصمّه
تعبت ودنيتي ترفض وجودي = وانا صبري ما قد عدّا حدودي
خلاص وبعلن الليله صدودي = على ريحٍ كرهته من آشمّه
زماني يا زماني يا زماني = رماني كلّ ما جيته رماني
آقرّب ساعتي لاجله ثواني = ولا عبرّني لو هيّه ب/كلمه

مخــــــــــــــــــــــــــرج ::::

إكتبي إني زرعتك في حشا عش الحمام = إكتبي إنك نبّتي لا (سباع) ولا ظبي
إكتبي إني (غفيت) وشغلتي تبغى (قيام) = إكتبي إني (نهضت) وحالتي تحبي حبي

الاخ الفاضل / فريد الحرف
كل عام وانت بخير
صح لسانك لاهنت
نص شعري عالي الشاعرية
من شاعر متمكن
لله درك ياعدنان
تسلم ويسلم فكرك يالغالي
تحياتي
أخـــــوك
س / ص