(الحال ماهو حال)

[حي الضمير]

صح لسانك يالسناعيس شاعر عملاق ومتمكن
والقصيده رائعه وابدعت بارك الله فيك
أجزل التحايا والاحترام

[عبدالله الشويمان]

المشاركة الأصلية كتبت بواسطة سناعيس

قصيدة بعنوان
(أول الكلام وآخره)
أرجو لها القبول والاستحسان

أول كلامي قبل لا لساني يزلّ=سميت باسم الله لاجل التمامي
واقول لك ياصاحبي لاتخاذلّ=لاشفت ما يوذيك افزع همامي
لاصار وقتك ماسمح لك تجاملّ=خلك على ماقيل رجل عصامي
احزم أمورك وانتبه تزبن الظلّ =وخصوص لاصارت همومك عظامي
الوقت مثل السيف من غمده يسلّ=حده رهيف بيد كفيف وحامي
ترى التخاذل مايفيدك وتجهلّ=درب النجاة اللي مشوه الكرامي
كم واحد مسكين من عيشته ملّ=وياما ليالي مع عنا الجوع نامي
وكم واحد مثلك دموعه تهاملّ=من محجر عيون ضناها الهيامي
ان مالحقت وصرت تعرف تعاملّ =مع كل واحد باختلاف الأسامي
والا تراك تحس في عيشتك ذلّ= ويضيق صدرك تقضي الوقت ضامي
الحال ماهو حال الا يبي حلّ=ويبي نعيد المسأله بالتزامي
حال الكثير اليوم ماعاد يقبلّ=ياهو يغث البال والقلب دامي
هذا يتسكع دايم وبالشعر جلّ= مغرور حتى ولا يرد السلامي
وهذا يقلد كل موضه تنزّل =طيّحني وسلسال مع وشم شامي
وهذا كدش عقله رعاع ومختلّ= يمشي وهو في مشيته ما استقامي
وهذا معه صديقه وصاحب وخلّ= ما كنك الا تشوف طفل سيامي
وين الربيعه وين من قال ابفصلّ=وين المراجل بين نذل وحرامي
أشكي على اللي يمهل ولا يهمّل= حال يشيّب من كدره الغلامي
وصلاة ربي عد ماينبت الفلّ=واعداد من صلى وزكى وصامي
على النبي الهاشمي سيد الكلّ=اللي بعث للناس آخر كلامي

وسلامتكم
28 رمضان 1430هـ

لله درك يا ابو محمد..قلت فابدعت ووضعت النقاط على الحروف بجداره

قصيده جزله زالجزل ما يجي الا من جزل مثلك وشرواك..

صح السانك مرارا وتكرارا

دمت بخير وصحه وسلامه..وعيدك مبارك قبل الزحمه

[الـزلـزال]

سناعيس
قصيده متقنه وهادفه
من شاعر تعودنا منه تقديم كل مايليق
شاهدنا فيها نصح وأرشاد وتوجيهات طيبه
أبدعت غالينا وليس الأبداع عنك بمستبعد
فأنت أهلآ له
صح لسانك ملايين ملايين
ولك فائق تحياتي وتقديري

[طلال البدور الشهراني]

ابيض وجه
ولاهنت

[عبدالله راشد الثويني]

اللهم صليّ وسلم على اشرف الانبياء والمرسلين
نبينا محمد عليه افضل الصلاه وأجلّ التسليم
أستاذي الغالي / سناعيس
صح لسانك وعلا شانك
نـص راقي كرقيّ حضورك
مليّ بالحكم من شاعر لطالما أعتدنا على درره
تسلم يمناك ولا عدمناك
طامعين بجديدك دائماً
تقبـّل تحيـتي وأعجابي الشديد بما تخطه اناملك

[سناعيس]

المشاركة الأصلية كتبت بواسطة عذب القوافي

الفاضل / سناعيس

صح لسانك

نص وافي من وافي

لله درك يالغالي

سعدت بالحضور الأول

مودتي ,,,,,

الفاضل عذب القوافي
صح بدنك
والله لايهينك
واشكرك جزيل الشكر
على مرورك وتعليقك

تحياتي

[سناعيس]

المشاركة الأصلية كتبت بواسطة نجم الإبداع

صح لسانك يابو محمد

نصائح طيبه وحكمه زاهيه

ابدعت

لاهنت

تقبل مروري

وتقديري

وكل عام وانت بخير

يامرحبا بك يابو محمد
وصح بدنك
والله لايهينك
واشكرك جزيل الشكر
على مرورك وتعليقك

تحياتي

[سناعيس]

المشاركة الأصلية كتبت بواسطة الطائر المهاجر

سلمت
وصح لسانك وقلبك
ولاهنت
تحياتي

الفاضل الطائر المهاجر
صح بدنك
والله لايهينك
واشكرك جزيل الشكر
على مرورك وتعليقك

تحياتي

[سناعيس]

المشاركة الأصلية كتبت بواسطة مبروك بن ماضي

الاخ الفاضل الشاعر القدير / سناعيس
حضورك له بصمته الخاصة
وشعرك يستحق الوقوف والتأمل
سعيد بحضوري هنا
متميز بما لديك دايماً
تقبل تحياتي وفيض ودي
وكل عام وانت بخير
أخوك / بن ماضي

الاخ الشاعر مبروك بن ماضي
صح بدنك
والله لايهينك
واشكرك جزيل الشكر
على مرورك وتعليقك

تحياتي

[سناعيس]

المشاركة الأصلية كتبت بواسطة منيع

ابيات رائعه ومعبره
بارك الله فيكم
تحياتي

الفاضل منيع
اشكرك جزيل الشكر
على مرورك وتعليقك

تحياتي