سوالف عاشق وليل

[شاكـر محمـد]

سوالف عاشق وليل ومسافة كايـده بالحيـلسوالـف حلـم وآمانـي وبـرد وحظـن دفّـايـه

خواطر تنكتب بالدمع في كشكـول للتجميـلذرفها القلب قبل الموق ما يـذرف بهـا مايـه

وفا للي امتلك عرش الفواد وكمّل التشكيـلقيـادات وجنـود وعسكـر يسـووا لـه حمـايـه

جيوشه رائع *اخلاق ومواقـف ماتبـي تحليـلوصـل لا ناصيـة قلبـه رقاهـا وأركــز الـرايـه

يـدللها بفـن وذوق لـو *يفـرط فـي التدلـيـليقـول اكبـر دلال الكـون فيهـا ماهـو اكفـايـه

يسميها (غلا روحي) وبعض أحيان ب(الإكليل)يناديـهـا *بياسلطـانـتـي *يـــا غـايــة مـنـايـه

لهـا قلبـه ولـو تطلبـه روحـه مـا لقتـه بخيـليحسسـهـا انـهـا فـعــلا حـيـاتـه وأنـهــا آيـــه

وتستاهـل وتستاهـل وتستاهـل تـراهـا قلـيـلعطـت لـه حـب بانـواره يـدل ويرشـد التايـه

تسولف كل قطـرة دم فيهـا عنـه بالتفصيـلجسدهـا كلـه يسولـف عـنـه ويـألـف روايــه

تنام وروحها تسرح معـه فـي عالـم التخييـلتعيـش بعالمـه وبكـل نـومـه تحـكـي حكـايـه

وانا ما شدني للسالفة الا سطـر فـي منديـلتبيني انساك كيف انساك وانتي منتهى الغايه

وضحكه خافته فيها أمـل كنـه ضـوى قنديـلكأنـهـا شـايـبٍ متـعـب وقــام يـغـرّد بـنـايـه

سوالف عاشق وليل ومسافه كايـده بالحيـلسوالـف حلـم وآمانـي وبـرد وحظـن دفّـايـه

[الطائر المهاجر]

جزل ومبدع
صح لسانك
ولاهان راسك
تحيتي واحترامي

[عاشقة السحاب]

جزله ووافيه
صح لسانك وفكرك

[الطامي]

شاكر
صح السانك ملايين
الله يعينك على هالسطر وغيره
على الاقل انت لقيت سطر بمنديل غيرك مالقى نظرة عبور ههههههههههههههه
لاهنت اخي

[داعي الشوق]

صح لسانك

و سلمت يمناك ودام نزف قلمك
ضافيه و وافيه
سجــل إعجــابي بما سطرت

ولاهنت

[حرف وشعر]

وانا مـا شدنـي للسالفـة الا سطـر فـي منديـل
تبيني انساك كيف انساك وانتي منتهى الغايه
وضحكه خافتـه فيهـا أمـل كنـه ضـوى قنديـل
كأنـهـا شـايـبٍ مـتـعـب وقـــام يـغــرّد بـنـايـه
سوالف عاشق وليـل ومسافـه كايـده بالحيـل
سوالـف حلـم وآمانـي وبــرد وحـظـن دفّـايـه

ياسلاااااام

[سااامر]

صح اللسانك على هالقصيده الجزله

ووالله اني لا اميل لقراءة البحر الطويل


لاكن هنا غير وتسلسل المفردات رائع

[شاكـر محمـد]

اشكركم جميعا على التشجيع اللطيف
فخر ما اكتبه انه يكحّل انظاركم وتنطقه السنتكم
مشكورين والله
بالتوفيق

[ساهر الليل]

يا سلام عليك يا شاكر

ابدعت وامتعت في البناء والتعبير

قصيده من اجمل ماقرات

يدوم نبضك وجمال حرفك

تقبل تحياتي واعجابي

[التخيفي]

مبدع ورائع
وقصيدة صادقة الإحساس
صح لسانك ولاهان راسك
تحياتي