ناديتني والا جـروحي

[الطائر المهاجر]

غناء ابوريم

بصوتي

نـاديـتـنـي والا جــروحــي تــنـــاداوالا نحيب القلـب فـي تالـي الليـل

ياللـي نسـى حبّـي بطـول البـعـاداحصّلت بعدي حب يعطيك تدليل !!

ان كان تسمعني تـرى النـزف زاداوان كان تذكرني فلا عاد بـي حيـل

بـعـت المـحـبّـه عـيــزةٍ بـالـمـزاداوخلّيتني اشكي من الحزن والويـل

سلّمت لـك قلبـي واشوفـك تمـاداتدفنـه حـي بـعـد حـبـسٍ وتنكـيـل

واقضـي بقايـا العمـر ليلـي سهـاداكنـي كسيـر حـسّ بالرجـل تنميـل

يسري بي الهوجاس فـوق الوهـاداضـايـع بـدربـي لانـجـوم وقـنـاديـل

يمكن اعرف السـر وادري الوكـاداليـش التغـيّـر بـيـن صــدٍّ وتبـديـل

كـنّـا مـثـل طيـريـن حـــب ووداداادعيك يـا قمـرا وتنادينـي ياسهيـل

ولو غبـت لحظـه تفقديـن الرشـاداحتـى تعرفـي بالخبـر دون تاجـيـل

ومن غيرتك عشـت النكـد بازديـاداابعد عن الاصحاب خايف من القيل

لا تحسبيـنـي طـيـر سـهـلٍ يـصـاداصعبٍ تصيدي الحر بين الرجاجيـل

يــا لعـنـبـو حـــبٍ يـــذل الـعـبـادامـن يقبـل الـذلات ذيـلٍ ولـد ذيــل

الحـب شمسـه مــا تـبـي اجتـهـاداروحٍ تخاطـب روح مـا فيـه تمثيـل

والـحــب إيـثــارٍ وقـصــرٍ يـشــاداما ينبنى قصرٍعلى ساس بـه ميـل

وحبي لروحـك عـن ثبـات وسـدادامانـيـب غــروٍ جـاهـل بالمـداهـيـل

اكتب لـك احسـاسٍ يحـرك جمـاداتنطق بـه الحانـي بعـذب المواويـل

عـودي لعقـلـك واتـركـي هلعـنـاداما دام في قلبي المعـذّب مداخيـل

والا وطـيـت القـلـب عـلـمٍ وكــادامـالـي بقـلـبٍ ينـخـدع بالتمـاثـيـل

[الطائر المهاجر]

من القصائد العاطفيه (غير الواقعيه) تنقل للهمس

[داعي الشوق]

وش هالزينة ياطير
صح لساااانك وعاطفتك ياعاطفي

معاني ولا ارووع

[منيع]

ياسلام عليك مبدع ورائع
ولااحلى يادكتور
تسلم تحياتي لكم

[بشير البلوي]

الحـب شمسـه مـا تـبـي اجتـهـادا
روحٍ تخاطـب روح مـا فـيـه تمثـيـل

والـحــب إيـثــارٍ وقــصــرٍ يــشــادا
ما ينبنى قصرٍعلى ساس به ميـل


الله الله عليك وصح الله لسانك ملايييين

نص جميل يستحق الاعجاب

تقبل مروري،،،

[الطامي]

يالعنبو حب يذل العبادا
انشههههد يادكتور ماكذبت

صح السانك
ولاهنت

[صنداح الزلامى]

صح لسانك مبدع دايما كما أنت جزل

[الطائر المهاجر]

شكرا داعي
على كريم المتابعه
لاهنت
تحياتي

[الطائر المهاجر]

شكرا منيع
على كريم المتابعه
لاهنت
تحياتي

[الطائر المهاجر]

شكرا بشير
على كريم المتابعه
لاهنت
تحياتي