قـــهـــــــوة الــــكــــيـــــف0000000000

بارقةأمل · 02-06-2007, 07:54 PM

السلام عليكم ورحمة الله وبركاته
القهوة يا أخواتي الغاليات تبي لها نفس مضبوط ودقة وحرص ----مثل الرز
وإذا ضبطيهم كم مرة وعرفتي لها خلاص صارت شيء عادي عندك وبسيط
لكن لا تتركينها تطبخ على النار أكثر من ربع ساعة لأنه بتصير فيها مرارة
والنار الهادية مرة بعد تخليها تتحول للون الأسود يعني النار لازم تكون مضبوطة بحيث ان القهوة تغلي بس ما تفور منك على الفرن ويروح نصفها عليه
وبعدين إذا قهوتك من البن الهرري با شنفر وحامستها لون أشقر غامق كل ترمس قهوة سعة لتر واحد
تحطين في إبريق القهوة فنجال قهوة وسط لأنه أحجام الفناجيل الآن متعددة أو ملعقتين أكل
بس حطي في الأبريق ماء مضبوط يعني عبي الترمس ماء وصبيه في الأبريق وزيدي عليه 3بيالات ماء
عشان يطلع ملي الترمس لأنه لازم تحسبين مقدار الماء المتبخر وباقي القهوة في أسفل البريق
بياخذ بعض الماء وبيكون خاثر ما نقدر نصبه بالترمس

اعتقد فهمتوا علي إذا فيه إستفسار حاضرين
وأنا بالنسبة لي الهيل إذا خلاص إستوت حطيت الهيل في نفس إبريق القهوة وخليته بس يرتفع شوي
مرتين ((يعني ما أخليه يغلي))بس يفور فورتين وبعدين أطفيه وأخليه يركد وهو على الفرن دقيقة
وبعدين أجيب مصفى صغير من حجم الترمس وأصفيها من الهيل ويكون الزعفران جوى الترمس
وبس واللي تحب تحط الهيل جوى الترمس وتصب عليه القهوة وتغطيه بس أنا ما أحبه يطلع لي بالفناجيل قطع حبات الهيل مو كل الناس يتقبلونه

واللي يبي يحطها بالدلة وارد رسلان دــلة شاذلية

ويا ما حــلى المجــلاس في أرض خــلية=في روضــة فيــهــا الخـــزامــى مــزاهــــــيــر

الم الفراق · 03-06-2007, 02:02 AM

ياويلي

ياويلي

كله ولا القهوه

تسلمي

تسلمي

يعطيكِ العافيه ياخيتي

ربي يحفظك

أميرة الليل · 03-06-2007, 09:22 PM

مشكورة يالغالية ام زياد تسلمي حبيبتي

الخنساء · 03-06-2007, 11:37 PM

شكرا حبيبتي ام زياد

تسلم يديك يالغاليه

دمتي بخير

السفيرة · 04-06-2007, 01:00 AM

انا من يوم تغلي وتقد شوي تقلب اطفي عنها واخليها تصفى

وعلى طووول بالدله مع الهيل والزعفران تطلع شي لعبتي خخخخخخخخ

تسلمين ام زوزو على القهوه يعطيك العاافيه