شاورت لي باليمين(بالصوت)

[الطائر المهاجر]

شــاورت لــي باليمـيـن وضـيّـع القـلـب اتـزانـهليتهـا مـا شـاورت لـي كـان سـالـم مــن بـلاهـا

درةٍ مــن صـنـع ربــي مشـيـهـا ثـقــل بـرزانــهصوّبـت قلـب المعنـى مـن وميـضٍ مـن سنـاهـا

عاقلٍ في الدرب أمشي مالـي بْطـرق الشطانـهأدري دروب المحبـة ويـل مــن يـركـض وراهــا

بين عقلي والعواطـف حـرب بيـن انسـه وجانـهومـن سهـام الظبـي أرجـف جاهـلٍ قـوّة مداهـا

قمـت اثقّـل كـل خطـوه مظهـرٍ بعـض الذهـانـهلكـن بْقلبـي جحـيـمٍ مــا قــوى صـالـي لضـاهـا

تنتظرنـي فـي هــدوء وطرفـهـا يـرسـل حنـانـهليـن صـرت بْـلا شـعـوري جنبـهـا اسـمـع نبـاهـا

قلت حاضر وش مرادك .. قالت ظروفي أمانـهاجبـرتـنـي للمـسـيـر لـغـايـة مــالــي ســواهــا

شايبـي فـي البيـت طايـح والـدوا تْـعـذّر مكـانـهقلـت ابمشـي للشميسـي رحـم ربـي مـن بناهـا

جيتهـم قـالـوا مخـلّـص وهقـوتـي هــذي لعـانـهشـوف عينـي الأجنبيّـه تنعطـى ويركـض وراهــا

وما معي حـق التكاسـي فالفقـر جامـح حصانـهوبيـتـي بْعـيـدٍ ورجـلـي تشـتـكـي مـمــا عـنـاهـا

لــو توصلـنـي لبيـتـي مــا عـلـى مثـلـك مهـانـهفالشويب في انتظاري .. تكسب من الله جزاها

خذتـهـا والقـلـب يخـفـق خـايـفٍ بـلـوى زمـانـهلانـي محرمهـا ولانـي راعـي تكسـي لـو خـذاهـا

وجهتنـي للطـريـق بلـحـن اعــذب مــن كمـانـهيدخـل بقلبـي ويسقـي روح تشكـي مـن ظماهـا

واسرق النظرات عجله كـودي افهـم وش كيانـهغصـن بــان لا تـحـرك حـركـت روحــي معـاهـا

مـا الومـك يـا قليبـي رحـت وطـيٍ فــي فـلانـهيشهـد الله مـا رأيـت بْكـل عمـري فــي حـلاهـا

ان لمحت الرمش واقف مثـل مـن جـرّد سنانـهيرفـع الغطـوه ويكشـف نـور ربّــي فــي بهـاهـا

لمـعـة الألـمـاس تـوضـي لا عقـيـق ولا جمـانـهمبسـمٍ والشـهـد ريـقـه فـيـه لجـروحـي دواهــا

شمـس بالخدّيـن تعكـس ورد والنرجـس وزانــهشمـس قدّامـي وشمـسٍ فـي المرايـه لاتضـاهـا

كـلـمـةٍ مـنّــي ومـنـهـا .. وابـتـديـنـا بالـمـيـانـه"حدثيـنـي بالأمـانـي" .. قلـتـهـا ابـنــزع حـيـاهـا

" منيتـي القـى وظيفـه ورجـل يعطينـي حنانـه"ردّدتهـا ودمـعـة بالعـيـن تكـشـف عــن شقـاهـا

جامعتـهـم خلّصتـهـا مـــن سـنـيـن ولا ضـمـانـهوالرجـال الـيـوم صـعـبٍ تفـهـم اســرارٍ وراهــا

وابتدت تشكي وانا اشكي وكل يشكي من زمانهموتري باقساط حلّت ونفسي تبحث عـن مناهـا

الفقـر ياكـبـر عيـبـه فالـرجـل مــا لــه مكـانـهوالـمـره خـطـرٍ عليـهـا لامــن ابـلـيـسٍ غـواهــا

وانتـهـى فيـنـا الطـريـق لبـيـت يحـتـاج لصيـانـهبيـت طيـنٍ وسـط حـاره والفقـر لـونـه كسـاهـا

وشـايـبٍ واقــف ببـابـه يجتـلـد واضــح جـنـانـهيـوم شـاف البنـت تنـزل بالعصـى يصلـخ قفاهـا

قلـت ياعـمـي تـرفـق .. وابـتـدا يغـلـط لسـانـهكلمـا حاولـت اشـرح .. قــال تسـكـت ياخنـاهـا

خفت من شره وانا اشخط ..قلت مالي بالمهانهكـان لـي فيهـا نصيـبٍ يـوم اسـعـد فــي لقـاهـا

وبعـد عـامٍ جيـت ادور علـي افهـم بعـض شانـهقـالـوا الشـايـب تـوفـي بعـدمـا البـنـت ابتـلاهـا

يــوم زوجـهـا غصيـبـه لشـايـبٍ كـبــره لـعـانـهيطلبـه قرشيـن واوفـى ..باعهـا وهـذا اشتـراهـا

وجـرهـا للـبـر تـرعــى بـيــن بـعـرانـه وضـانــهوآخـر الاخبـار مرضـت مـا اشتـرى حتـى دواهـا

وانطلـق مـدري بروحـي دون عـقـلٍ او فطـانـهاسأل الرعيـان وامشـي ليـن مـا جيـت لحماهـا

والتقـي الشايـب منـوّخ ..قـلـت ياعـمـي امـانـهوينـهـا والا تـوفـت .. قــال "يــا ليـتـي معـاهـا"

وابـتـدى يبـكـي عليـهـا مـثـل طـفـلٍ بالحضـانـهوهلت دموعي وعيني ما سبـق وان فـاض ماهـا

"اطلـب الغفـران للـي مـا عـرف قلـبـه مـلانـهكيـف انـا اجبـرت ابوهـا يبيعهـا ولامـن حمـاهـا"

" ثــمّ اعـذّبـهـا بـلـيّـا ذنـــب واخـــون الأمـانــهحتى مرضت ثم ماتت واستراحت مـن شقاهـا"

"ومثل شوفك صرت مقعد والشلل مطلق عنانهربي امهلني ولا اهمـل ..والسبـب كنـت بعماهـا"

مـن ظلـم لابـد ينـدم لــو تضـاحـك لــه زمـانـهوكـل زوجـه كالأمانـه اكسـب بْعـمـرك رضـاهـا

[الأموره]

يا سلام ،،

من جد يا سلام ،،

روعه هالقصيده تبارك الرحمن ،،

و قصتها روووووعه ،،

بس محزنه ،،

صح لسانك و علا شانك ،،ا

الف شكر لك ،،

دمت برعاية الخالق ،،

[ابومياس]

هادفة هادفة هادفة

يابوعبدالله كعادتك لاتاتي الا بالراقي

صح لسانك ودام حرفك

دمت بخير

[الطامي]

ابو عبدالله
لاهنت وصح السانك
انها من القصائد المهمه في عصرنا هذا
والذي تعالج فيه قضية الطمع لدى الغير
نسأل الله العفو والعافيه

[داعي الشوق]

قصيدة رائعه من شاعر رائع

كأنها مسلسل عاطفي يسبح في خيال الابداع

تحياتي وإعجابي ،،،

[نجم الإبداع]

صح لسانك يادكتور

والله نص يلامس شغاف القلوب لنبله

لاهنت

تقبل مروري

وتقديري

[منيع]

ابيات رائعه
بارك الله فيك
تحياتي لكم

[ياسر عبدالرحمن الخالدي]

من ظلم لابد يندم لـو تضاحـك لـه زمانـه
وكل زوجه كالأمانه اكسـب بْعمـرك رضاهـا


الله الله الله ياطائرنا

جميل ما بدعته جميل والله والاجمل ارفاقك للصوت بالنسبة لي حلّت كلمات كثيرة

الله عليك ياشاعر

[زهرة اللوتس]

الشاعر الطائر المهاجر

من عمق الروح

خلف أروقة النبل

وبأريحية العشق

استطعت ترجمة

اروع سيمفونية البوح

اسعدني ان اكون بين

عفوية همسك ورقة حرفك

همسات ذات عطر رقيق

اختزل الصدق والشفافية

دمت شامخا





زهرة

[النهج المختلف]

الشاعر الرائع الطائر المهاجر ,, ,,

الله الله

صح السانك يابوعبدالله ياسلام عليك وصف جميل ورائع ,, ,,

من شاعر يمتاز بالجزالة والصور الشعرية الرائعة ,, ,,

لاهنت والله يعطيك العافية يامبدع ,, ,,

تحياتي وتقديري ,, ,,