يا ويل روحي

[عبدالعزيز العقيدي]

يا ويل روحـي مـن شقـى غربالهـا***همـي بصـدري والـفـواد يـثـور

دنيـا رمتـي فـي عظـيـم أوحالـهـا***الأيـام تجـري والزمـان يــدور

وين الليالـي اللـي سحرنـي بدرهـا*** ظـلام دامـس بعـد ذاك النـور

حتى العيون اللي أسرنـي رمشهـا***عيـت تبـرق بـي وأنـا مـأسـور

ويــن أبتسـامـة شفتـيـن وتغـرهـا***اللـي بـهـا الجـيـوان دور ودور

ويـن اللطـافـة والـكـلام وصوتـهـا***صوت الندم في بحـة المقهـور

مـا كـان بالخاطـر يــدور فراقـهـا***ولانـي علـى هجرانهـا مجـبـور

لا غـيـر كلـمـة وبحـمـاقـة قلـتـهـا***هزت عروش وزلزلت القصور

بلحـظـة مـدايـن عشقـنـا دمرتـهـا***أضحت صحـارى قاحـلات بـور

كأنـي بأهـل مديـن وجـل مصابـهـا***الفكر شارد وخاطري مكسور

عايش علـى ذكـرى جميلـه بعدهـا***خيال طيف بضامـري محفـور

كأن العمر اللي مضـى لـي قربهـا***حلمٍ وخطف ع النايم المذعور

[منيع]

ياسلام عليك
ابداع وتميز
تسلم وبارك الله فيكم
تحياتي وتقديري

[نجم الإبداع]

صح لسانك ياعبدالعزيز

مصافحه راقيه

لاهنت

تقبل مروري

وتقديري

[عدنان كريزم]

صح لسانك يالغالي


ولا هنت



تحيتي لك

[الطامي]

العقيدي
صح السانك وبنانك
جزلة ووافيه
لاهنت

[احمد الكثيري]

دنيا رمتي في عظيم أوحالها
سلمت وبارك الله فيك
اقتبست هذا البيت لان فيه حرف سطق منك سهواً
دنيا رمتني في عظيم اوحالها

[الأموره]

العقيدي ...~

صح لسـآنك ملايين يخوي

سلمت و سلم فكرك

هطول جميل تبارك الرحمن ..~

ألف شكر لك . .~

دمت برعاية الخالق ..~

[الـزلـزال]

عبدالعزيز العقيدي
بوح رائع ومميز
من شاعر رائع ومتميز في كل مايقدمه
أبدعت شاعرنا وامتعت
رعاك الله
صح لسانك ملايين ملايين
ولك فائق تحياتي وتقديري

[سناعيس]

عبدالعزيز العقيدي
صح لسانك وبيض الله وجهك
جزله من شاعر جزل
لاهنت


تحياتي

[حي الضمير]

صح لسانك شاعرنا الرائع العقيدي
قصيده رائعه وابدعت يامميز
أجزل التحايا والاحترام