فـرق الـشـعــر ( شطحت فـكـر )

[مشعل الشايقي]

( قد نميز الكريستال من الالماس ولكن ) قصيدة حبيسة ادراج الصدر احتياجي للتنفس أظهرها
هل هي شطحت فكر ام هذه أوامر الشعر / ظهورها الأول لكم فأنتم الأوكسجين النقي

لـو كـل مخلـوق تفكـيـره كـبـر راســهكان استحى فيل من تسحيب خرطومه

وماشفت لك ذيب يقوى لحظـة نعاسـهالشـاه تسـرح وهـو غرقـان فـي نـومـه

والـحـر للـخـرب يصـبـح دوم مفـراسـهوصـار الهـدد لرخـم يـاخـوك و البـومـه

بعـض الرجاجيـل يقبـل مـالـي البـاسـهوعنـد الشدايـد مايسـوى قيمـة هدومـه

جـبـل ولا هــب عـلــمٍ راح قـرطـاسـهمخيـال ثـوب النسيـم يصـفـق كمـومـه

لــو المـراجـل تـجـي تعـلـوم ودراســهكـان العـرب مابهـم مـن ضيـع سلومـه

بعـض الكرستـال يلمـع مثـل الالماسـهوالـمـدرك الـلـي يقـيّـم أول الـسـومـه

لكنـا فـي وقتـنـا ذا ضـاعـت الطـاسـهالمـال يجعـل حطيـط اخـلاق مخدومـه

يالـذرب يالقـرم كــف الـجـود نبـراسـهياسهيـل غيـرك نقـول نجـوم مزعـومـه

هـو بـه فقيـر البشـر تشتـاق مجـلاسـهاو قيـل فيـه النعـم لـو طابـت علـومـه

لاصـار فقـر الـرجـل عيـبـه ومقيـاسـهاكـيـد كــل الخصـايـل فـيـه مـعـدومـه

وخطاه يصبـح خطيئـة حتـى مـن ناسـهوالتـاجـر استغـفـر الله روح معصـومـه

وش حال خاطر حطب والمجتمع فاسهوما ينفخ الضـو حـظ أشفـاه مشرومـه

من وين فنجـال فزعـه يذهـب عماسـهوالـفـزعـه دلالـهــا قـــدام مخـصـومـه

هـو فيـه عيـنٍ عشـان الحـب عساسـهاو قلب يخفـق عشـان قلـوب مكلومـه

يطيـح شامـخ قـدر مــن قــدر ميـاسـهبنـت الصـدر نبتـت الأضــلاع مرحـومـه

رهف القواريـر يكسـر مـن قسـا باسـهغرشة عطر بالخطر بإحساس ملغومـه

شطحت مـدري قصيـدي مـات حباسـهلاقلـت قفلـت قافـي ضــاف معلـومـه

فـرق الشعـر شاعـرٍ يشتـب هوجـاسـهللغيـر وهمـوم غـيـره مـصـدر همـومـه

وشاعر دموع الطفل ماتوقض إحساسهاغـلا قصايـد قصـيـدة تقـضـي الـزومـه

والـنـقـد كـــدر زلالـــه حـقــد بـلاســهافـواه تنقـط عسـل بكـواب مسمـومـه

خالف وتعرف ياتعس اللي بنت ساسـهطموحـه الـقـاب لـكـن لـقـب العـومـه

ومن نظرتـه عنـد خشمـه سيّـده ياسـهومـن ينظـر بعيـد حقـق سـيّـد حلـومـه

[داعي الشوق]

صح لسانك يالشاعر مشعل

و ذكرتني بالابيات اللي تقول ،،

*********

صح لسانك مليووووووون

مع التحية لك

*******

[احمد الجريفاني]

جزلة جزلة جزلة اتعب واقول جزلة من راس جزل اسعد الله ايامك

[الطائر المهاجر]

والنقـد كـدر زلالـه حقـد بلاسـه=افواه تنقط عسـل بكـواب مسمومـه
خالف وتعرف ياتعس اللي بنت ساسه=طموحه القـاب لكـن لقـب العومـه

اكيد جايك شي من هالباب وهو اللي فجر القريحه حتى عطيت المنتقد
اكبر من حجمه بهذه الأبيات ، وهو ما اراد الوصول إليه
صح الله لسانك وفكرك
ولا هان راسك
تحياتي

[عبدالرحمن بن زهير]

عزالله انك صادق يامشعل صح الله لسانك يالجزل هذا نص ملئ بالنضج والحكمه ولاهي غريبه عليك...تحياتي

[منيع]

ابيات اكثر من رائعه
سلمت ولاندمت
تحياتي

[حلا نجد]

صح لسانك وعلا شانك
تسلم الايادي التي
خطت لنا اروع الكلمات
دمت ودام قلمك بنبض بكل احساس
ونحن بنتظار روائعك بكل شوق

[الخنساء]

صح لسانك مليون ولايكفون
قصيدة جزلة منشاعر جزل
سلمت ودام حرفك

[حي الضمير]

صح لسانك
واعتلا شانك
قصيده رائعه بروعة حضورك
لا خلا ولا عدم

[حوريه]

صح لسانك يا مشعل

رائعه بروعة حضور شاعرها

دمت كما تحب

ودام حرفك

..