بعد غياااااب .. البيت

[مبارك أبوظهير]

السلام عليكم ورحمة الله .. أحبتي آل الفطاحله .. اعلم أني غبت كثيرا .. ويعلم الله أني

أني لو غبت فأنتم في القلب .. وأني أشتقت للجميع .. وأتمنى قبولي بهذه المتواضعه .. والتي أرجو أن تنال رضاكم ..


*

البيت   لاجيته    تهيـض    أشجانـيتكفون    بيعـوا    بيتنـا    ياإخوانـي

على  الأقل  لاجيـت   زايـر   لأمـيماشـوف   داره   ماتزيـد   احزانـي

أشوف  له  ذكـرى   بكـل   أركانـهوأحس   تتْزلـزل   جميـع   أركانـي

وأنسى  إني  رجال  وكبير  بعمـريوأبكي  وأبّكي   من   بغـى   ينهانـي

غصب   عليْ   تْهـل   عينـي   ماهـاماكنـي   إلا   مـن   حـدا   ورعانـي

أتذكـره    يومـه    هنـاك    يصـلـيوعقب   الصـلاة   يرتـل    القرآنـي

وأتذكـره   لاجيـت   أسلـم    يفـرحلاصار   راضـي    رحـب    وحيانـي

وإن  كان  بالخاطر  زعـل  ماينشـدلاشافنـي     مـريـت      مانـادانـي

يازيـن     دلـه     لاتـغـلا     وعـانـديانـي   علـى   سوالفـه    شفقانـي

قلبي  يجض  ليـا   دخلـت   الحـارههو خوف هي حيره  وأقول  شجاني

أنسى   بـأن   المـوت   حـق   وإنـهأمـر   ٍ   مقـدر   والبنـادم    فـانـي

أو  إنـي   أتْناسـى   لأن   ماعـمـرهأبعـد    ولاعمـره    بعـد     خـلانـي

دايم  وهو  حولي  وأنا   فـي   ظلـهعايش  مأمّن   من   غثـا   عدوانـي

اليوم  راح  اللـي   ينومـس   ذكـرهاللي علىط¸â‚¬يـب العمـل  ربانـي

أنا   أشهـد   إنـه   ماتماهـن    دورهعلّم   وربّـى   وأكمـل    النقصانـي

مافيه  شـي  ٍ  مـن   أمـور   الدنيـاإلا    وعلمنـي     بــه     ووصـانـي

الدين   وحقوق   الرجـال   وجـاريووصل  الرحم  ومباشر  الضيفانـي

وعلمني  إن  الحـق   مهمـا   غيّـبيظهر ولوط¸â‚¬الـت بـه الأزمانـي

وعلمني  أوفي   بالوعد   واتْحـرصماخون  لو  خانوا  بـي   الصدقانـي

وإن  البحر   لو   هـو   كثيـر   مايـهعمر   البحر   مايـروي   الضميانـي

وعلمني  إن  المـال  عبـد   ٍ   سيـدحفظه  غناة  ٍ  لـي  عـن   المنانـي

يقـول   لامنـك    كنزتـه    ســادكصرت  السجين  ومالك   السجانـي

وعبد ٍ  إليا  منك  عطيـت  المعسـروفرجت  ضيقة  مسلـم  ٍ  حيرانـي

الله   يبـارك   لـك   بـه   وبعيـالـكوتشيخ   بعلومـك   مـع    العربانـي

وعلمني  أقنع  فالنصيـب  وأسكـتوأرضى  بماقـدر   لـي   الرحمانـي

(( وعلمني إن الرزق  لو  قدر  لـيماياخـذه     لاقـاصـي      ولادانــي

وشـي  ٍ  مقـدر   لـي   فلايخطينـيواللي لغيري  لو  أبيه  أخطانـي  ))

وأرجع قبل لاأنسى على  موضوعيالبيت  لو   هو   مصـدر   لأشجانـي

لاتاخـذون    اللـي    ذكـرتـه    أولقلته   أنـا   مـن   خاطـر   حزنانـي

خلاص   غيرت   الطلـب   والرغبـهمابـي    أكـون    بعينكـم     آنـانـي

يامطلـق     وياخالـد      ويامحـمـدأخوكـم    مبـارك    تـراه    يعـانـي

إذا    تبونـه    يفـرح     ويستـانـستكفـون    خلـوا    بيتنـا    ياإخوانـي

*


مبارك نايف أبوظهير

[داعي الشوق]

مرحبا مليوون أخي مبارك

و الحمدلله على السلامه

و تعازينا لك مع مواساتنا

و الله يرحم الفقيد بواسع رحمتة

و صح لسااااااانك مليوووون

و يا هلا بك من جديد

ولاهنت

*************

[الراقي]

نسأل الله للفقيد المغفره والرحمة

وان يلهمكم الصبر والسلوان

قصيده مؤثره و قلبت المواجع

صبر الله قلبك على هذه الحياة التي اخذت منا الاخيار000

و صح السانك شاعرنا

[الخنساء]

صح لسانك مليووووووون ولايكفوووون

قصيدة جزلة من شاعر جزل

واحسن الله عزاكم وجمعكم الله

في الفردوووووس الاعلي

غفر الله له وجعل مثوووواه الجنه ووالدى

والمسلمين

قصيدة مؤثرة والله معك يابن العم

سلمت ودام حرفك

[صعبة المنال]

عظم الله اجركم واصبركم
صح لسانك واعتلى شأنك
جزلة ووافية
لاهنت

[الطائر المهاجر]

الحمد لله على السلامه
اوجعتنا معك يابونايف
الله يغفر له ويرحمه ويتقبله في فردوسه الأعلا
ويعظم اجركم ويهون مصابكم ويجمعكم به في جنات عليين
وافيه من وافي لمن يستحق الوفاء
أطيب تحياتي

[منيع]

حضر الشعر كلة
اوجعتنا يامبارك
رحم الله موتاكم وموتى المسلمين
وكفى بالموت واعظا
تحياتي

[حي الضمير]

مؤثره جدا يامبارك .. وقلبت المواجع ....وصح لسااانك

نسال الله ان يغفر له ويرحمه ووالدينا اجمعين

[الطامي]

يامطلـق وياخالـد ويامحـمـد
أخوكـم مبـارك تـراه يعـانـي
إذا تبونـه يفـرح ويستـانـس
تكفـون خلـوا بيتنـا ياإخوانـي


مبارك بوظهير
هلابك ملايين يالغالي
وصح السانك ملايين
قصيدة معبره
الله يغفر له ويرحمه ويتقبله في فردوسه الأعلا
ويعظم اجركم ويهون مصابكم ويجمعكم به في جنات عليين
وافيه من وافي لمن يستحق الوفاء
شكرا لك

[عمر ال شيبي]

عظم الله اجركم واصبركم
صح لسانك واعتلى شأنك
جزلة ووافية
لاهنت